644
ಕುಂದಾಪುರ : ಬ್ರಹ್ಮಾವರ – ಬಾರ್ಕೂರು ರಸ್ತೆಯ ಹಂದಾಡಿ ಗ್ರಾಮದ ನಿವಾಸಿಯಾದ ಪ್ರಕಾಶ್‌ ರವರ ಪುತ್ರನಾದ ಆರ್ಯ ನಿನ್ನೆ ನಾಪತ್ತೆಯಾಗಿದ್ದು ಇಂದು ಬೆಳಿಗ್ಗೆ ಕೇರಳ ರಾಜ್ಯದ ಫಾಲ್ಘಟಿನಲ್ಲಿ ಪತ್ತೆಯಾಗಿದ್ದಾನೆ
13 ವರ್ಷ ವಯಸ್ಸಿನ ಬಾಲಕ ಆರ್ಯ ನಿನ್ನೆ ಉಡುಪಿ ಕಡಿಯಾಳಿ ಬಳಿಯ ಆಕಾಶ್‌ ಟೂಷನ್‌ ಸೆಂಟರ್‌ ಗೆ ತೆರಳಿದ್ದು ನಂತರ ನಾಪತ್ತೆಯಾಗಿದ್ದು ಅಪ್ರಾಪ್ತ ಬಾಲಕನಾಗಿದ್ದರಿಂದ ಉಡುಪಿ ಮಹಿಳಾ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು
ತನಿಖೆ ಕೈಗೊಂಡ ಪೊಲೀಸರು ಬಾಲಕ ಇಂದ್ರಾಳಿ ರೈಲ್ವೆ ಸ್ಟೇಶನ್‌ ಮೂಲಕ ಕೇರಳ ರಾಜ್ಯಕ್ಕೆ ತೆರಳುತ್ತಿರುವ ಸಿ ಸಿ ಟಿವಿ ದೃಶ್ಯವನ್ನು ಗಮನಿಸಿ ಕೇರಳದ ರೈಲ್ವೆ ಪೊಲೀಸರಿಗೆ ಮಾಹಿತಿ ನೀಡಿದ್ದು ಇಂದು ಬೆಳಿಗ್ಗೆ ಬಾಲಕ ಕೇರಳದ ಪಾಲ್ಘಾಟ್‌ ರೈಲ್ವೆ ಸ್ಟೇಶನ್‌ ನಲ್ಲಿ ಪತ್ತೆಯಾಗಿದ್ದಾನೆ
ಬಾಲಕನ ತಂದೆ ಬ್ರಹ್ಮಾವರದ ಪ್ರಕಾಶರವರು ಉಡುಪಿ ಮಹಿಳಾ ಪೊಲೀಸ್‌ ಠಾಣಾ ಸಿಬ್ಬಂದಿಯೊಂದಿಗೆ ಪುತ್ರನನ್ನು ಕರೆತರಲು ಇದೀಗ ಕೇರಳದ ಪಾಲ್ಘಾಟಿಗೆ ತೆರಳಿದ್ದಾರೆ ಎಂದು ತಿಳಿದುಬಂದಿದೆ
