ಹೊಸದಿಲ್ಲಿ : ಮೆಗಾ ಹರಾಜಿಗೂ ಮುನ್ನವೇ ಬಿಸಿಸಿಐ ಅಚ್ಚರಿಯ ಸುದ್ದಿ ಪ್ರಕಟಿಸಿದೆ ಐಪಿಎಲ್ ಹರಾಜಿಗೆ ವಿಶ್ವವೇ ಸಿದ್ಧವಾಗಿರುವಾಗ ಈ ಆವೃತ್ತಿ ಅಷ್ಟೇ ಅಲ್ಲದೇ 2026, 2027ರ ಆವೃತ್ತಿಗಳ ಆರಂಭ ಹಾಗೂ ಅಂತ್ಯದ ದಿನಗಳನ್ನು ಪ್ರಕಟಿಸಿದೆ. ಭಾನುವಾರದಂದು ಅರಬ್ ದೇಶದ ಜೆಡ್ಡಾದಲ್ಲಿ 2025ರ ಐಪಿಎಲ್ ಮೆಗಾ ಹರಾಜು ನಡೆಯಲಿದೆ. ಈ ಹರಾಜಿಗೆ ಎಲ್ಲರೂ ಕಾತುರದಿಂದ ಕಾಯುತ್ತಿರುವ ಬೆನ್ನಲ್ಲೇ ಬಿಸಿಸಿಐ ಈ ಪ್ರಕಟಣೆಯೊಂದಿಗೆ ಎಲ್ಲರ ಗಮನ ಸೆಳೆದಿದೆ
ಈ ಹಿಂದಿನ ಐಪಿಎಲ್ ಆವೃತ್ತಿಗಳ ವೇಳಾಪಟ್ಟಿಯನ್ನು ಟೂರ್ನಿಗೆ ಕೆಲವೇ ದಿನಗಳು ಬಾಕಿಯಿದ್ದಾಗ ಪ್ರಕಟಿಸಲಾಗುತ್ತಿತ್ತು. ಆದರೆ ಈ ಬಾರಿ ಬೇಗನೇ ಈ ಬಗ್ಗೆ ಮಾಹಿತಿ ನೀಡಿದೆ. ಅಲ್ಲದೆ, ಕೇವಲ ಒಂದಲ್ಲದೆ, ಮೂರು ಸೀಸನ್‌ ಗಳ ದಿನಾಂಕಗಳನ್ನೂ ಘೋಷಿಸಿದೆ.
ಬಿಸಿಸಿಐ ಪ್ರಕಟಿಸಿದ ವೇಳಾಪಟ್ಟಿಯಲ್ಲಿ ಮುಂದಿನ ಐಪಿಎಲ್ ಮಾರ್ಚ್ 14ಕ್ಕೆ ಆರಂಭವಾಗಲಿದ್ದು, ಮೇ.25 ಮುಕ್ತಾಯಗೊಳ್ಳಲಿದೆ. ಇದರ ಜತೆಗೆ ಮುಂದಿನ ಮೂರು ಆವೃತ್ತಿಗಳ ವೇಳಾಪಟ್ಟಿಯ ಬಗ್ಗೆಯೂ ಮಾಹಿತಿ ಹೊರಬಿದ್ದಿದ್ದು, 2026 ರಲ್ಲಿ ನಡೆಯಲ್ಲಿರುವ ಐಪಿಎಲ್ ಮಾರ್ಚ್ 15 ರಿಂದ ಮೇ 31 ರವರೆಗೆ ನಡೆದರೆ, 2027 ರ ಐಪಿಎಲ್ ಮಾರ್ಚ್ 14 ರಿಂದ ಮೇ 30 ರವರೆಗೆ ನಡೆಯಲಿದೆ
