ಇಂದು ಸಂಗೀತ ರಸಮಂಜರಿ- ಚಿತ್ರಗೀತೆ
ಕುಂದಾಪುರ: ಕೋಟೇಶ್ವರದ ಯುವ ಮೆರಿಡಿಯನ್ ಸಂಸ್ಥೆಯ ಓಪೆರಾ ಪಾರ್ಕ್‍ನಲ್ಲಿ ಇಂದು ಸಂಜೆ 5.30ಕ್ಕೆ ನಡೆಯಲಿರುವ ಸಂಗೀತ ಸಂಜೆ ಕಾರ್ಯಕ್ರಮದಲ್ಲಿ ಗಾಯಕಿ ಕೆ.ಎಸ್. ಚಿತ್ರಾ ಅವರಿಗೆ ಡಾ. ಎಸ್. ಜಾನಕಿ ರಾಷ್ಟ್ರೀಯ ಪುರಸ್ಕಾರ ಹಾಗೂ ಮನೋವೈದ್ಯ ಡಾ.ಸಿ.ಆರ್. ಚಂದ್ರಶೇಖರ್ ಅವರಿಗೆ ಮನಸ್ಮಿತ ರಾಷ್ಟ್ರೀಯ ಪುರಸ್ಕಾರ ನೀಡಿ ಗೌರವಿಸಲಾಗುವುದು
ಮೇರು ಗಾಯಕಿ ಡಾ. ಎಸ್. ಜಾನಕಿ ಅವರ ಒಪ್ಪಿಗೆ ಮೇರೆಗೆ ಅವರ ಹೆಸರಿನಲ್ಲಿ 2018 ರಲ್ಲಿ ಪ್ರಶಸ್ತಿ ಸ್ಥಾಪಿಸಲಾಗಿದ್ದು, 1 ಲಕ್ಷ ರೂ. ನಗದು ಮತ್ತು ಪ್ರಶಸ್ತಿ ಪತ್ರ ಒಳಗೊಂಡಿದೆ
ಉಡುಪಿ ಜಿ. ಶಂಕರ್ ಫ್ಯಾಮಿಲಿ ಟ್ರಸ್ಟ್‍ನ ಪ್ರವರ್ತಕ ನಾಡೋಜ ಡಾ.ಜಿ.ಶಂಕರ್ ಪ್ರಶಸ್ತಿ ಪ್ರಧಾನ ಮಾಡುವರು. ಗೀತಾನಂದ ಫೌಂಡೇಶನ್ ಪ್ರವರ್ತಕ ಆನಂದ ಸಿ. ಕುಂದರ್ ಅವರು ಮನಸ್ಮಿತ ರಾಷ್ಟ್ರೀಯ ಪುರಸ್ಕಾರ ಪ್ರಧಾನ ಮಾಡುವರು
ಪ್ರಶಸ್ತಿ ಪ್ರಧಾನದ ಬಳಿಕ ಆರ್ಯಭಟ ಪ್ರಶಸ್ತಿ ಪುರಸ್ಕ್ರತ ಗಾಯಕ ಡಾ.ಸತೀಶ್ ಪೂಜಾರಿ ನೇತೃತ್ವದಲ್ಲಿ ಸಂಗೀತ ರಸಮಂಜರಿ ಕಾರ್ಯಕ್ರಮ ನಡೆಯಲಿದೆ. ಖ್ಯಾತ ಗಾಯಕಿಯರಾದ ಸುಪ್ರೀತ್, ಶ್ರೀಹರ್ಷ, ಶರಧಿ ಪಿ., ಶುೃತಿ ಭಿಡೆ ಭಾಗವಹಿಸಲಿದ್ದಾರೆ. ರಾಜ್‍ಗೋಪಾಲ್ ಮತ್ತು ಬಳಗದವರು ವಾದ್ಯವೃಂದದಲ್ಲಿ ಸಹಕರಿಸುವರು.
