202
ಕಾರ್ಕಳ : ಮಗನ ಬೈಕ್ ಸ್ಕಿಡ್ ಆಗಿ ಸಹ ಪ್ರಯಾಣಿಕರಾಗಿ ಹಿಂಬದಿ ಕುಳಿತಿದ್ದ ತಾಯಿ ಸಾವನ್ನಪಿದ ಧಾರುಣ ಘಟನೆ ನಿಟ್ಟೆ ಗರಡಿ ಬಳಿ ನಡೆದಿದೆ.ಕಾರ್ಕಳ ತಾಲೂಕು ನಿಟ್ಟೆ ಗ್ರಾಮದ ಮಲ್ಲಿಕಾ ಶೆಟ್ಟಿ (42) ಎಂಬವರೇ ಮೃತಪಟ್ಟವರು.
ಕಾರ್ಕಳ-ಪಡುಬಿದ್ರೆ ರಾಜ್ಯ ಹೆದ್ದಾರಿ ರಸ್ತೆಯ ನಿಟ್ಟೆ ಗರಡಿ ಬಳಿಯ ರಸ್ತೆಯಲ್ಲಿ ಮಲ್ಲಿಕಾ ಶೆಟ್ಟಿಯವರು ತನ್ನ ಮಗ ಭವಿಷ್ ಎಂಬಾತನ ಬೈಕ್ ನಲ್ಲಿ ಹೋಗುತ್ತಿದ್ದ ಸಂದರ್ಭ ಗರಡಿ ಬಳಿ ಬೈಕ್ ಸ್ಕಿಡ್ ಆಗಿದೆ.
ಇದರಿಂದ ಬೈಕ್ ಹಿಂಬದಿ ಕುಳಿತಿದ್ದ ಮಲ್ಲಿಕಾ ಶೆಟ್ಟಿರವರು ಬೈಕಿನಿಂದ ಹಿಮ್ಮುಖವಾಗಿ ಬಿದ್ದಿದ್ದು ತಲೆಗೆ ತೀವ್ರ ಗಾಯಗೊಂಡಿತ್ತು.ಆಸ್ಪತ್ರೆಗೆ ಸಾಗಿಸುವ ವೇಳೆ ಮೃತಪಟ್ಟಿದ್ದಾರೆ.ಕಾರ್ಕಳ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
