ತ.ನಾಡು ಮೊದಲ ಬಿಜೆಪಿ ಶಾಸಕ ವೇಲು ನಿಧನ

ಚೆನ್ನೈ: ತಮಿಳುನಾಡಿನಲ್ಲಿ ಮೊದಲ ಬಾರಿಗೆ ಬಿಜೆಪಿಯಿಂದ ಗೆದ್ದು ವಿಧಾನಸಭೆ ಪ್ರವೇಶಿಸಿದ್ದ ಶಾಸಕ ಸಿ. ವೇಲಾಯುಧನ್ (ವೇಲು) ಬುಧವಾರ ಕನ್ಯಾಕುಮಾರಿ ಜಿಲ್ಲೆಯಲ್ಲಿ ನಿಧನರಾಗಿದ್ದಾರೆ. ವೇಲಾಯುಧನ್ 1996 ರಲ್ಲಿ ಕನ್ಯಾಕುಮಾರಿ ಜಿಲ್ಲೆಯ ಪದ್ಮನಾಭಪುರಂ ಕ್ಷೇತ್ರದಿಂದ ಗೆದ್ದು ಶಾಸಕರಾಗಿದ್ದರು. ಡಿಎಂಕೆ  ವಿರುದ್ಧ  24,540 ಮತಗಳ ಅಂತರದಿಂದ ಗೆದ್ದು ತಮಿಳುನಾಡಿನಲ್ಲಿಯೂ ಕಮಲ ಅರಳಿಸಿದ್ದರು. ಅವರ ನಿಧನಕ್ಕೆ ಪ್ರಧಾನಿ ನರೇಂದ್ರ ಮೋದಿ, ಬಿಜೆಪಿ ಅಧ್ಯಕ್ಷ ಜೆ.ಪಿ.ನಡ್ಡಾ, ತಮಿಳುನಾಡು ಬಿಜೆಪಿ ಅಧ್ಯಕ್ಷಕೆ. ಅಣ್ಣಾಮಲೈ ಸಂತಾಪ ಸೂಚಿಸಿದ್ದಾರೆ