ಬೈಂದೂರು : ಹಾಲಾಡಿ ಮತ್ತು ಶಂಕರನಾರಾಯಣ ಮಧ್ಯದ ರಸ್ತೆಯಲ್ಲಿರುವ ಹಾಲಾಡಿ ಸೇತುವೆ ಸಮೀಪ ಬೈಕ್ ಸವಾರರೊಬ್ಬ ಗುಂಡಿಗೆ ಬಿದ್ದದ್ದನ್ನು ಗಮನಿಸಿದ ಶಾಸಕ ಗುರುರಾಜ ಗಂಟಿಹೊಳೆ ಕಾರು ನಿಲ್ಲಿಸಿ ತಕ್ಷಣವೇ ಬೈಕ್ ಸವಾರನಿಗೆ ಪ್ರಥಮ ಚಿಕಿತ್ಸೆಗೆ ಬೇಕಾದ ಅಗತ್ಯ ವ್ಯವಸ್ಥೆಯನ್ನು ಮಾಡಿಸಿದರು. ಸ್ಥಳೀಯ ಕಾಂಟ್ರಾಕ್ಟರ್ ಮೂಲಕ ಜೆಸಿಬಿ ತರಿಸಿ ಒಂದು ಗಂಟೆಗಳ ಕಾಮಗಾರಿ ನಡೆಸುವಂತೆ ಸೂಚಿಸಿ ರಸ್ತೆಗುಂಡಿಗಳನ್ನು ಮುಚ್ಚಿಸಿ ಸಾರ್ವಜನಿಕರ ಪ್ರಶಂಸೆಗೆ ಪಾತ್ರರಾಗಿದ್ದಾರೆ
ಸೇತುವೆ ಸಮೀಪದ ರಸ್ತೆ ಸಂಪೂರ್ಣ ಹಡೆಗಟ್ಟಿದ್ದು ದೊಡ್ಡ ದೊಡ್ಡ ಗುಂಡಿಗಳು ಬಿದ್ದಿವೆ. ಇದರಿಂದ ಬೈಕ್ ಸವಾರರು ಸಹಿತ ಹಲವರು ಈಗಾಗಲೇ ಅಪಘಾತದಲ್ಲಿ ಆಸ್ಪತ್ರೆ ಸೇರಿರುವ ಘಟನೆಯ ನಡೆದಿದೆ. ಶಾಸಕರು ಅದೇ ಮಾರ್ಗದಲ್ಲಿ ಸಂಚರಿಸುತ್ತಿದ್ದ ಸಂದರ್ಭದಲ್ಲಿ ಬೈಕ್ ಸವಾರರನೊಬ್ಬ ಗುಂಡಿಗೆ ಬಿದ್ದಿರುವುದನ್ನು ಗಮನಿಸಿ ಕೂಡಲೇ ಸ್ಥಳೀಯ ಗುತ್ತಿಗೆದಾರರ ಮೂಲಕ ಜೆಸಿಬಿ ತರಿಸಿ ಸುಮಾರು ಒಂದು ಗಂಟೆಗಳ ಕಾಲ ಸ್ಥಳದಲ್ಲೇ ಇದ್ದು ರಸ್ತೆಯಲ್ಲಿದ್ದ ಗುಂಡಿಗಳನ್ನು ಸಂಪೂರ್ಣ ಸರಿಪಡಿಸಿ ಸಾರ್ವಜನಿಕರ ಸುಗಮ ಸಂಚಾರಕ್ಕೆ ವ್ಯವಸ್ಥೆ ಮಾಡಿಕೊಟ್ಟರು
ಈ ಸಂದರ್ಭದಲ್ಲಿ ಬೈಂದೂರು ಮಂಡಲ ಬಿಜೆಪಿ ಅಧ್ಯಕ್ಷ ದೀಪಕ್ ಕುಮಾರ್ ಶೆಟ್ಟಿ,ಉಮೇಶ್ ಶೆಟ್ಟಿ ಕಲ್ಗದ್ದೆ ಉಪಾಧ್ಯಕ್ಷ ರವಿ ಕುಲಾಲ್ ಮೊದಲಾದವರು ಉಪಸ್ಥಿತರಿದ್ದರು
