143
ಶಿವಮೊಗ್ಗ: ಚುನಾವಣೆಯಲ್ಲಿ ಪಕ್ಷೇತರ ಅಭ್ಯರ್ಥಿಗಳಿಗೆ ಚಿತ್ರ ವಿಚಿತ್ರ ಚಿಹ್ನೆಗಳನ್ನು ನೀಡುತ್ತಿದ್ದು, ಈ ಸಂಬಂಧ ಚುನಾವಣಾಧಿಕಾರಿಗಳಿಗೆ ಪತ್ರ ಬರೆಯುವುದಾಗಿ ಶಿವಮೊಗ್ಗ ಲೋಕಸಭಾ ಕ್ಷೇತ್ರದ ಸ್ವತಂತ್ರ ಅಭ್ಯರ್ಥಿ ಕೆ.ಎಸ್.ಈಶ್ವರಪ್ಪ ಹೇಳಿದರು. ಬುಧವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ, ಚುನಾವಣಾ ಆಯೋಗವು ಪಕ್ಷೇತರ ಅಭ್ಯರ್ಥಿಗಳಿಗೆ ಚಿಹ್ನೆಗಳನ್ನು ನೀಡವಾಗ ಅದು ದೇಶ ಭಕ್ತಿ, ಸ್ಫೂರ್ತಿ ದಾಯಕವಾಗುವಂತೆ ಇರಬೇಕು. ಆದರೆ ಆಯೋಗವು ಈಗ ನೀಡಿರುವ ಪಟ್ಟಿ ನೋಡಿದರೆ ಬೇಸರವಾಗುತ್ತದೆ. ಚಿತ್ರ ವಿಚಿತ್ರ ಚಿಹ್ನೆಗಳು. ಅದರಲ್ಲಿಯೇ ಒಂದನ್ನು ಆಯ್ಕೆ ಮಾಡಿಕೊಳ್ಳಬೇಕು. ಮುಂದಿನ ದಿನಗಳಲ್ಲಾದರೂ ಪಕ್ಷೇತರರಿಗೆ ಚಿಹ್ನೆ ನೀಡುವಾಗ ಯುವ ಸಮೂಹ ಗೌರವಿಸುವಂತಹ, ಅವರಿಗೆ ಸೂರ್ತಿದಾಯಕವಾಗುವಂಥ ಚಿಹ್ನೆ ನೀಡುವಂತೆ ಪತ್ರ ಬರೆಯುವುದಾಗಿ ತಿಳಿಸಿದರು
