ಕುಂದಾಪುರ : ಇಲ್ಲಿನ ಸಾಧನ ಕಲಾ ಸಂಗಮ, ಅಪ್ರಮೇಯ ಹಾಗೂ ಪರಪಂಚ ಕಲಾ ಸಂಸ್ಥೆಗಳ ಸಂಯುಕ್ತ ಆಶ್ರಯದಲ್ಲಿ ಇಂದು ಬೆಳಗ್ಗೆ 10.00 ಗಂಟೆಗೆ ಜೂನಿಯರ್ ಕಾಲೇಜಿನ ರೋಟರಿ ಲಕ್ಷ್ಮೀ ನರಸಿಂಹ ಕಲಾ ಮಂದಿರದಲ್ಲಿ ತ್ರಿಮಧುರ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಲಿದೆ.
ಬೆಳಗ್ಗೆ ಪರಪಂಚ ಸಂಸ್ಥೆಯ ವಿದ್ಯಾರ್ಥಿಗಳಿಂದ ಮುಖ್ಯಸ್ಥೆ ವಿಜೇತಾ ಗಂಗೊಳ್ಳಿ ಸಂಯೋಜನೆಯಲ್ಲಿ ಚಿತ್ರಕಲಾ ಪ್ರದರ್ಶನವನ್ನು ಕುಂದಾಪ್ರ ಕನ್ನಡ ನಿಘಂಟು ಸಂಪಾದಕ ಪಂಜು ಗಂಗೊಳ್ಳಿ ಉದ್ಘಾಟಿಸಲಿದ್ದಾರೆ. ಅಪರಾಹ್ನ 3.00ಕ್ಕೆ ಸಾಧನ ಕಲಾ ವಿದ್ಯಾರ್ಥಿಗಳಿಂದ ಮಾಲಿನಿ ರಮೇಶ ಸಂಯೋಜನೆಯಲ್ಲಿ ಕರ್ನಾಟಕ ಸಂಗೀತ ಕಾರ್ಯಕ್ರಮ ನಡೆಯಲಿದೆ.
ಬಳಿಕ ಸಂಜೆ 4.00 ಗಂಟೆಗೆ ಸಭಾ * ಕಾರ್ಯಕ್ರಮ ಕುಂದಾಪುರ ನಡೆಯಲಿದ್ದು ಸಂಚಾರ ಠಾಣಾ ಉಪ ನಿರೀಕ್ಷಕ ಪ್ರಸಾದ್ ಕುಮಾರ್ ಕೆ., ಕಲಾವಿದ ದಿನಮಣಿ ಶಾಸ್ತ್ರಿ ಭಾಗವಹಿಸಲಿದ್ದಾರೆ. ಬಳಿಕ ಸಾಧನಾ *ವಿದ್ಯಾರ್ಥಿಗಳಿಂದ ಭರತನಾಟ್ಯ ವಿದುಷಿ ಅರ್ಪಿತಾ ಹೆಗಡೆ ಸಂಯೋಜನೆಯಲ್ಲಿ ಭರತನಾಟ್ಯ ಕಾರ್ಯಕ್ರಮ ನಡೆಯಲಿದೆ ಎಂದು ಸಾಧನ ಕಲಾ ಸಂಗಮ ಸಂಸ್ಥೆಯ ವಿಶ್ವಸ್ಥ ನಾರಾಯಣ ಐತಾಳ್ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.
