130
ಕುಂದಾಪುರ: ಈ ಚುನಾವಣೆಯಲ್ಲಿ ನಮಗೆ ಗೆಲ್ಲುವ ನಿರೀಕ್ಷೆ ಇತ್ತು. ಆದರೆ ಆ ನಿರೀಕ್ಷೆ ಸುಳ್ಳಾಯಿತು. ನಮ್ಮ ಸೋಲಿಗೆ ಆಮಿಷ, ಗ್ಯಾರಂಟಿ ಇನ್ನಿತರ ಕಾರಣಗಳಿರಬಹುದು. ಗೆಲುವಿಗೆ ಅನೇಕ ಉತ್ತರಾಧಿಕಾರಿಗಳಿರುತ್ತಾರೆ. ಸೋಲಿನ ಶಿಶು ಮಾತ್ರ ಅನಾಥ ಎಂದು ಮಾಜಿ ಸಚಿವ, ವಿಧಾನ ಪರಿಷತ್ ಸದಸ್ಯ ಕೋಟ ಶ್ರೀನಿವಾಸ ಪೂಜಾರಿ ಹೇಳಿದರು.
ಬಿಜೆಪಿ ಸೋಲಿನ ಬಳಿಕ ನಾಯಕರ ಮಧ್ಯೆ ಅಸಮಧಾನ ಸ್ಪೋಟಗೊಂಡ ಹಿನ್ನೆಲೆ ಮಾಧ್ಯಮದವರ ಪ್ರಶ್ನೆಗೆ ಉತ್ತರಿಸಿ ಅವರು ಮಾತನಾಡಿದರು. ಸೋತಾಗ ಜಿಜ್ಞಾಸೆ, ಚರ್ಚೆ, ಆತಂಕಗಳು ಎದುರಾಗುವುದು ಸಹಜ. ಸೋಲಿನ ದುಗುಡದಿಂದ ಕೆಲ ಪ್ರಮುಖರು ಪಕ್ಷದ ಬಗ್ಗೆ ಮಾತನಾಡುತ್ತಿದ್ದಾರೆ. ಪಕ್ಷದ ಪ್ರಮುಖರು ಪಕ್ಷ ಮತ್ತು ನಾಯಕರ ವಿರುದ್ದ ಮಾತನಾಡುವವರನ್ನು ಕರೆಸಿ ಮಾತನಾಡಿದ್ದಾರೆ. ಎಲ್ಲವೂ ಸರಿಹೋಗಲಿದೆ ಎಂದ ಅವರು, ಸದನ ಆರಂಭವಾಗುವ ಮುನ್ನ ಜು. 3 ರ ಮೊದಲು ವಿಪಕ್ಷ ನಾಯಕರ ಆಯ್ಕೆಯಾಗಲಿದೆ ಎಂದು ತಿಳಿಸಿದರು.
