ಗಂಗೊಳ್ಳಿ : ಮಾರಿಜಾತ್ರೆ

ಕುಂದಾಪುರ : ಗಂಗೊಳ್ಳಿ ಶ್ರೀ ಮಹಾಂಕಾಳಿ ಅಮ್ಮನವರ ದೇವಸ್ಥಾನದಲ್ಲಿ ವರ್ಷಂಪ್ರತಿ ಜರಗುವ ಪ್ರಸಿದ್ದ ಮಾರಿಜಾತ್ರೆ ಮಹೋತ್ಸವವು ಜ.30ರಿಂದ ಫೆ.2ರವರೆಗೆ ನಡೆಯಲಿದೆ. ಜ.30ರಂದು ಬೆಳಿಗ್ಗೆ ದೇವಸ್ಥಾನದ ಎದುರುಗಡೆ ಇರುವ ನಾಗಬನದಲ್ಲಿ ಪೂಜೆ ಹಾಗೂ ಮಳೆಯಾಳಿ ಬೊಬ್ಬರ್ಯ ದೇವರ ಪೂಜೆ, ರಾತ್ರಿ 10 ಗಂಟೆಗೆ ಗುರು ಜಟ್ಟಿಗೆ ದೇವರ ಪೂಜೆ, ಸಮುದ್ರದಿಂದ ಗಂಗೆ ತೀರ್ಥವನ್ನು ಕಲಕದಲ್ಲಿ ತಂದು ಮಹಾ ಪೂಜೆ, ಹರಕೆ ಇತ್ಯಾದಿ ನಡೆಯಲಿದೆ

ಜ.31ರಂದು ಬೆಳಿಗ್ಗೆ ದೇವರ ಸಂದರ್ಶನ ಮತ್ತಿತರ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಲಿದೆ ಫೆ.1ರಂದು ಬೆಳಿಗ್ಗೆ ತುಲಾಭಾರ ಸೇವೆ, ರಾತ್ರಿ ಗಂಡ ಸೇವೆ, ಕೋಲಾ ಸೇವೆ ನಡೆಯಲಿದೆ. ಫೆ.2ರಂದು ಬೆಳಿಗ್ಗೆ ವಿಶೇಷ ವಾರ್ಷಿಕ ರಂಗಪೂಜೆ ಸೇವೆ, ಸಂಜೆ ನರ್ತನ ಸೇವೆ, ಪಲ್ಲಕಿ ಉತ್ಸವ ನಡೆಯಲಿದೆ ದೇವಸ್ಥಾನದ ಆಡಳಿತ ಮಂಡಳಿಯ ಪ್ರಕಟಣೆ ತಿಳಿಸಿದೆ