ಕುಂದಾಪುರ : ಕುಂದಾಪುರ ನಗರದ ಶ್ರೀ ಸೀತಾರಾಮಚಂದ್ರ ದೇಗುಲದ ಗರ್ಭಗುಡಿಯ ಮುಖಮಂಟಪದ ಎದುರುಗಡೆಯ ಹೊರಭಾಗಕ್ಕೆ ಬೆಳ್ಳಿ ಹೊದಿಕೆಯ ಕಾರ್ಯಕ್ಕೆ ಚಾಲನೆ ನೀಡಲಾಯಿತು
ಕುಂದಾಪುರ ರಾಮಕ್ಷತ್ರಿಯರ ಸಂಘದ ಆಶ್ರಯದಲ್ಲಿ ನಡೆದ ಸರಳ ಸಮಾರಂಭದಲ್ಲಿ ಸಂಘದ ಆಧ್ಯಕ್ಷರಾದ ಲಕ್ಷ್ಮೀಶ್‌ ಹವಲ್ದಾರ್‌ ಬೆಳ್ಳಿಯ ಕುಶಲಕರ್ಮಿ ನಾಗರಾಜ್‌ ಆಚಾರ್ಯರವರಿಗೆ ನಗದು ಮತ್ತು ಬೆಳ್ಳಿಯ ವೀಳ್ಯವನ್ನು ನೀಡುವ ಮೂಲಕ ಬೆಳ್ಳಿ ಹೊದಿಕೆಯ ಕಾರ್ಯಕ್ಕೆ ಚಾಲನೆ ನೀಡಿದರು
ಶ್ರೀ ಸೀತಾರಾಮಚಂದ್ರ ದೇವರ ಸನ್ನಿಧಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಬೆಳ್ಳಿಯನ್ನು ದಾನ ರೂಪದಲ್ಲಿ ನೀಡಿದ ಸಮಾಜದ ಹಲವಾರು ಗಣ್ಯರನ್ನು ಶಾಲು ಹೊದಿಸಿ ಶ್ರೀ ದೇವರ ಪ್ರಸಾದ ನೀಡಿ ಗೌರವಿಸಲಾಯಿತು
ಈ ಸಂದರ್ಭದಲ್ಲಿ ರಾಮಕ್ಷತ್ರಿಯರ ಸಂಘದ ಸದಸ್ಯರಾದ ದೇವರಾಯ ಬಾಣನಮನೆ ನಾಗರಾಜ್‌ ನಾಯ್ಕ್ ಯು.ರಾಧಾಕೃಷ್ಣ ರಾಜಶೇಖರ್‌ ಹೆಗ್ಡೆ ಹಾಡಿಮನೆ ಶಂಕರ್‌ ಶೇರಿಗಾರ್ ಪ್ರಭಾಕರ ನೇರಂಬಳ್ಳಿ ನಾಗಭೂಷಣ್ ಶ್ರೀನಿವಾಸ್‌ ಇಂಜೀನಿಯರ್‌ ಶ್ರೀಮತಿ ಸರೋಜಾ ಶ್ರೀಮತಿ ದೇವಕಿ ಸಣ್ಣಯ್ಯ ಶ್ರೀಮತಿ ರಶ್ಮೀರಾಜ್‌ ಮುಂತಾದವರು ಉಪಸ್ಥಿತರಿದ್ದರು
ಡಿ ಸತೀಶ್‌ ಕಾರ್ಯಕ್ರಮ ನಿರೂಪಿಸಿ ಧನ್ಯವಾದವಿತ್ತರು
