ಬ್ರಹ್ಮಾವರ : 2024 ರೋಟರಿ ಜಿಲ್ಲೆ 3182 ಇದರ ರೋಟರ್ಯಾಕ್ಟ್ ಕ್ಲಬ್‌ಗಳ ಪದಾಧಿಕಾರಿಗಳ ತರಬೇತಿ ಕಮ್ಮಟ ಹೊಂಗನಸು-2024′ ರೋಟರಿ ಕ್ಲಬ್ ಬ್ರಹ್ಮಾವರ ಹಾಗೂ ರೋಟರ್ಯಾಕ್ಟ್ ಕ್ಲಬ್ ಬ್ರಹ್ಮಾವರ ಆತಿಥ್ಯದಲ್ಲಿ ಬ್ರಹ್ಮಾವರದ ರೋಟರಿ ಸಮಾಜ ಮಂದಿರದಲ್ಲಿ ಜರುಗಿತು.
ಕಾರ್ಯಕ್ರಮವನ್ನು ರೋಟರಿ ಗವರ್ನರ್ ಸಿ.ಎ. ದೇವಾನಂದ್ ಉದ್ಘಾಟಿಸಿ ಮಾತನಾಡಿ ರೋಟರ್ಯಾಕ್ಟ್ ಸದಸ್ಯರು ಭವಿಷ್ಯದ ನಾಯಕರು ಅವರು ತರಬೇತಿ ಮೂಲಕ ಕೌಶಲ ಹೆಚ್ಚಿಸಿಕೊಳ್ಳಬೇಕು ಎಂದರು.ಮುಖ್ಯ ಅತಿಥಿ ನಿಯೋಜಿತ ಗವರ್ನರ್ ಬಿ. ಎಂ. ಭಟ್ ಮಾತನಾಡಿ ಹೊಸ ರೋಟರ್ಯಾಕ್ಟ್ ಕ್ಲಬ್ ಗಳನ್ನು ಪ್ರಾಯೋಜಿಸುವಂತೆ ರೋಟರಿ ಕ್ಲಬ್‌ಗಳು ಕಾರ್ಯಪ್ರವೃತ್ತರಾಗಬೇಕು ಎಂದರು.
ರೋಟರ್ಯಾಕ್ಟ್ ಜಿಲ್ಲಾ ಪ್ರತಿನಿಧಿ ಚೇತನ್ ಕುಮಾರ್ 2024-25ನೇ ಸಾಲಿನ ಜಿಲ್ಲಾ ಕಾರ್ಯಕ್ರಮದ ಸಂಪೂರ್ಣ ಚಿತ್ರಣವನ್ನು ತಿಳಿಸಿದರು.ಜಿಲ್ಲಾ ರೋಟರ್ಯಾಕ್ಟ್ ಬುಲೆಟಿನ್ ‘ಕನೆಕ್ಟ್’ನ್ನು ಬಿಡುಗಡೆಗೊಳಿಸಲಾಯಿತು. ನಿಕಟಪೂರ್ವ ಜಿಲ್ಲಾ ರೋಟರ್ಯಾಕ್ಟ್ ಪ್ರತಿನಿಧಿ ಮಹಾಲಸ ಕಿಣಿ ‘ಕೊಸ್ಟ್ ಟು ಕೊಸ್ಟ್’ ಕಾರ್ಯಕ್ರಮದ ಸಮಗ್ರ ಮಾಹಿತಿ ನೀಡಿದರು.
