ಕುಂದಾಪುರ : ಶಾಲೆಯಲ್ಲಿ ಶಿಕ್ಷಣದ ಮಾಧ್ಯಮ ಇಂಗ್ಲಿಷ್ ಆದರೂ ಕೂಡ ಕನ್ನಡದ ಬಗ್ಗೆ ಭಾಷಾಭಿಮಾನ ಬೆಳೆಸಿಕೊಂಡು ಭಾರತೀಯ ಸಂಸ್ಕೃತಿಯನ್ನು ತಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕೆಂದು ಸಾಹಿತಿ ಹಾಗೂ ನಿವೃತ್ತ ಇಂಗ್ಲೀಷ್‌ ಉಪನ್ಯಾಸಕಿಯಾದ ಪಾರ್ವತಿ ಜಿ ಐತಾಳ್‌ರವರು ವಿದ್ಯಾರ್ಥಿಗಳಿಗೆ ಕರೆ ನೀಡಿದರು
ಅವರು ಕುಂದಾಪುರ ನಗರದ ಕೋಡಿಯ ಶ್ರೀರಾಮ ನಗರದಲ್ಲಿರುವ ಶ್ರೀರಾಮ ವಿದ್ಯಾಕೇಂದ್ರದ 20ನೇ ವಾರ್ಷೀಕೋತ್ಸವದಲ್ಲಿ ಮುಖ್ಯ ಅತಿಥಿಯಾಗಿ ಆಗಮಿಸಿ ಮಾತನಾಡಿದರು
ನಾವು ನಮ್ಮ ಮಾತೃ ಭಾಷೆಯನ್ನು ಪ್ರೀತಿಸಬೇಕು. ಆದರೆ ಬಹು ಭಾಷಾ ದೇಶವಾದ ಭಾರತದಲ್ಲಿ ಪರಸ್ಪರ ಸಂವಹನಕ್ಕೆ ಸಾಮಾನ್ಯವಾದ ಒಂದು ಭಾಷೆ ಇಲ್ಲದಿರುವುದರಿಂದ ಇಂಗ್ಲೀಷ್‌ ಭಾಷೆಯನ್ನು ಕಲಿಯುವುದೂ ಅಷ್ಟೇ ಅಗತ್ಯವಾಗಿದೆ ಆದರೆ ಕಲಿತ ಇಂಗ್ಲೀಷ್‌ ಭಾಷೆ ಅಗತ್ಯಕ್ಕೆ ಮಾತ್ರ ಉಪಯೋಗಿಸಬೇಕೇ ಹೊರತು ಪ್ರತಿಷ್ಠೆಯ ಪ್ರದರ್ಶನಕ್ಕೆ ವಸ್ತುವಾಗಬಾರದು ಇಂಗ್ಲಿಷ್ ಭಾಷೆ ಮಾತ್ರವಲ್ಲ ಯಾವ ಭಾಷೆಯೂ ಇನ್ನೊಂದು ಭಾಷೆಗಿಂತ ಶ್ರೇಷ್ಠವೂ ಅಲ್ಲ ಕನಿಷ್ಢವೂ ಅಲ್ಲ ಎಂಬುದನ್ನು ವಿದ್ಯಾರ್ಥಿಗಳು ಅರಿತುಕೊಳ್ಳಬೇಕು ಎಂದು ನುಡಿದರು
ಶ್ರೀರಾಮ ವಿದ್ಯಾಕೇಂದ್ರದ 20ನೇ ವರ್ಷದ ವಾರ್ಷೀಕೋತ್ಸವ ಸಮಾರಂಭದ ಅಧ್ಯಕ್ಷತೆಯನ್ನು ಕುಂದಾಪ್ರ ಎಕ್ಸಪ್ರೆಸ್‌ ಸಾಮಾಜಿಕ ಜಾಲತಾಣದ ಪತ್ರಿಕೆಯ ಸಂಪಾದಕರಾದ ಕೆ.ಗಣೇಶ್‌ ಹೆಗ್ಡೆ ವಹಿಸಿದ್ದರು ಮುಖ್ಯ ಅತಿಥಿಗಳಾಗಿ ಕಾರ್ಕಳ ಉಪವಿಭಾಗದ ಅರಣ್ಯಾಧಿಕಾರಿಗಳಾದ ಪ್ರಭಾಕರ್‌ ಕುಲಾಲ್‌ ಹಾಗೂ ಮಾನವ ಹಕ್ಕುಗಳ ಲೋಕ ಪರಿಷತ್‌ನ ಜೊತೆ ಕಾರ್ಯದರ್ಶಿಗಳಾದ ಸದಾಶಿವ ಕೋಟೆಗಾರ್ ಆಗಮಿಸಿದ್ದರು
ಶ್ರೀರಾಮ ವಿದ್ಯಾಕೇಂದ್ರದ ಸಂಚಾಲಕರಾದ ನಾಗೇಶ್‌ ಕಾಮತ್‌ ರವರು ಪಾಸ್ತಾವಿಕವಾಗಿ ಮಾತನಾಡಿದರು ಶ್ರೀಮತಿ ರಶ್ಮೀ ಮತ್ತು ಕುಮಾರಿ ನಮಿತಾ ನಿರೂಪಿಸಿದ ಕಾರ್ಯಕ್ರಮದಲ್ಲಿ ಕುಮಾರಿ ದೀಕ್ಷಾ ಹಾಗೂ ಐಶ್ವರ್ಯ ಸ್ವಾಗತಿಸಿ ಪ್ರಾಂಶುಪಾಲರಾದ ಜೀತೇಂದ್ರ ವಾರ್ಷೀಕ ವರದಿ ಮಂಡಿಸಿದರು ವೇದಿಕೆಯಲ್ಲಿ ಶಾಲಾ ಹಳೇ ವಿದ್ಯಾರ್ಥಿ ಸಂಘದ ಮುಖಂಡರಾದ ಸೃಜನ್‌ ಪೂಜಾರಿ ಇದ್ದರು ಸಹ ಶಿಕ್ಷಕರಾದ ಶ್ರೀಮತಿ ನಾಗರತ್ನ ಧನ್ಯವಾದವಿತ್ತರು ಇದೇ ಸಂದರ್ಭದಲ್ಲಿ ವಿಜೇತ ವಿದ್ಯಾರ್ಥಿಗಳಿಗೆ ಬಹುಮಾನವನ್ನು ವಿತರಿಸಲಾಯಿತು
