ಕುಂದಾಪುರ : ದಿನಾಂಕ 24-03-2024 ರಂದು ಗುರುಕುಲ ಪಬ್ಲಿಕ್ ಸ್ಕೂಲ್ ವಕ್ವಾಡಿ ಇಲ್ಲಿಗೆ ಶ್ರೀಯುತ. ಜಗದೀಶ್ ಉಪಕುಲಪತಿ, ಶಿವಮೊಗ್ಗ ಕೃಷಿ ವಿಶ್ವವಿದ್ಯಾಲಯ, ಇವರು ಭೇಟಿ ನೀಡಿದರು .ಹಸಿರು ವನಸಿರಿಯಲ್ಲಿ ಅತ್ಯುತ್ತಮ ಸೌಕರ್ಯದಡಿಯಲ್ಲಿ,ಸ್ಪರ್ಧಾತ್ಮಕ ಜಗತ್ತಿಗೆ ಬೇಕಾಗುವ ಎಲ್ಲ ವಿಷಯಗಳ ಜೊತೆಗೆ ಜೀವನ ಮೌಲ್ಯವನ್ನು ರೂಪಿಸುವ ಸಂಸ್ಕಾರಯುತ ಶಿಕ್ಷಣ ನೀಡುವ ಸಂಸ್ಥೆಯೊದು ಕರಾವಳಿಯ ಕುಂದಾಪುರದ ಭಾಗದಲ್ಲಿ ಇರುವುದು ನಿಜಕ್ಕೂ ಸಂತೋಷವೆನಿಸಿತು . ಇಂದಿನ ಯಾಂತ್ರಿಕ ಬದುಕಿನಲ್ಲಿ ಮಾಲಿನ್ಯ ಮುಕ್ತವಾದ ಪರಿಸರದಲ್ಲಿ ಮಕ್ಕಳು ಶಿಕ್ಷಣ ಪಡೆಯುವುದು ನಿಜಕ್ಕೂ ನಂಬಲು ಅಸಾಧ್ಯವಾದದ್ದು, ಅಂತಹ ಪರಿಸ್ಥಿತಿಯಲ್ಲಿ ಶುದ್ಧ ಗಾಳಿ ,ಬೆಳಕು ,ಪಕ್ಷಿಗಳ ಕಲರವ,ನವಿಲಿನ ನರ್ತನ ,ಜಿಂಕೆಯ ಓಟವನ್ನು ನೇರವಾಗಿ ಕಣ್ತುಂಬಿಸಿಕೊಳ್ಳುವುದರ ಜೊತೆಗೆ ಇಲ್ಲಿ ಶಿಕ್ಷಣ ಪಡೆಯುವುದು ಮಕ್ಕಳ ಅದೃಷ್ಟವೇ ಸರಿ ಎಂದು ತಿಳಿಸಿದರು ವಿದ್ಯಾರ್ಥಿಗಳು ಉಜ್ವಲ ಭವಿಷ್ಯವನ್ನು ರೂಪಿಸಿಕೊಳ್ಳುವಲ್ಲಿ ಶಿಕ್ಷಕರು ಸಹಕರಿಸಲಿ ಎಂದು ಶುಭ ಹಾರೈಸಿದರು. ಈ ಸಂದರ್ಭದಲ್ಲಿ ಶಾಲಾ ಜಂಟಿ ಕಾರ್ಯ ನಿರ್ವಾಹಕರಾದ ಶ್ರೀ.ಸುಭಾಶ್ಚಂದ್ರ ಶೆಟ್ಟಿ ಇವರು ಉಪಸ್ಥಿತರಿದ್ದರು.
