ಉಚಿತ ನೋಟ್ ಪುಸ್ತಕ ವಿತರಣೆ.

ಕುಂದಾಪುರ : ದಾನಿಗಳು ಕೊಡಮಾಡಿದ ಶೈಕ್ಷಣಿಕ ಪರಿಕರಗಳನ್ನು ಬಳಸಿಕೊಂಡು ಉತ್ತಮ ವಿದ್ಯಾಭ್ಯಾಸ ಪಡೆಯುವ ಮೂಲಕ ಶಾಲೆಗೆ , ಹೆತ್ತವರಿಗೆ ಕೀರ್ತಿ ತನ್ನಿ “ ಎಂದು ರೋಟರಿ ಮಾಜಿ ಸಹಾಯಕ ಗವರ್ನರ್ ರೊ. ಗಜೇಂದ್ರ ಶೆಟ್ಟಿ ಹೇಳಿದರು. ಅವರು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಯಡಾಡಿ ಮತ್ಯಾಡಿಯ ಮಕ್ಕಳಿಗೆ ಕೋಟೇಶ್ವರ ರೋಟರಿ ಕ್ಲಬ್ ಮೂಲಕ ತಾವು ಕೊಡಮಾಡಿದ 20,000 ರೂ ಮೌಲ್ಯದ ನೋಟ್ ಪುಸ್ತಕಗಳನ್ನು ವಿತರಿಸಿ ಮಾತನಾಡುತ್ತಿದ್ದರು.

ರೋಟರಿ ಕೋಟೇಶ್ವರದ ನಿಯೋಜಿತ ಅಧ್ಯಕ್ಷ ಜಗದೀಶ ಮೊಗವೀರ ಅಧ್ಯಕ್ಷತೆ ವಹಿಸಿದ್ದರು. ವಲಯ 2 ರ ನಿಯೋಜಿತ ಸಹಾಯಕ ಗವರ್ನರ್ ನರಸಿಂಹ ಶೆಣೈ , ನಿಯೋಜಿತ ಝೋನಲ್ ಲೆಫ್ಟಿನೆಂಟ್ ಆನಂದ ಆಚಾರ್ , ಕಾರ್ಯದರ್ಶಿ ರಾಜು ಮೊಗವೀರ, ಜೊತೆ ಕಾರ್ಯದರ್ಶಿ ನಾಗೇಶ್ ಶೆಟ್ಟಿಗಾರ್ , ರವೀಂದ್ರ ಶೆಟ್ಟಿ , ಶಾಲಾ ಮುಖ್ಯೋಪಾಧ್ಯಾಯ ವೆಂಕಟ   ಉಪಸ್ಥಿತರಿದ್ದರು.  ಎಸ್.ಡಿ. ಎಂ.ಸಿ ಅಧ್ಯಕ್ಷ ಮಂಜುನಾಥ ಮೊಗವೀರ ಕಾರ್ಯಕ್ರಮ ನಿರ್ವಹಿಸಿ , ಶಿಕ್ಷಕಿ ರಮಣಿ ವಂದಿಸಿದರು