ಪರ್ತ್ : ಬೂಮ್ರಾ ಅವರು ಮುಂದುವರಿಸಿದ ಮಾರಕ ಬೌಲಿಂಗ್ ದಾಳಿಯ ನೆರವಿನಿಂದಾಗಿ ಆಸೀಸ್ ತತ್ತರಿಸಿದ್ದು, ಹೆಡ್ ಅವರ ಸ್ಫೋಟಕ ಬ್ಯಾಟಿಂಗ್ ಹೊರತಾಗಿಯೂ ಬಾರ್ಡರ್ ಗವಾಸ್ಕರ್ ಟ್ರೋಫಿ ಸರಣಿಯ ಮೊದಲ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಹೀನಾಯ ಸೋಲೊಪ್ಪಿಕೊಂಡಿದ್ದು ಭಾರತ ಗೆಲುವಿನ ನಗೆ ಬೀರಿದೆ ಈ ಮೂಲಕ ಭಾರತ ಮೊದಲ ಗೆಲುವು ಸಾಧಿಸಿ ಭರ್ಜರಿ ಮುನ್ನಡೆ ಸಾಧಿಸಿತು. ಮೊದಲ ಇನ್ನಿಂಗ್ಸ್‌ನಲ್ಲಿ ಭಾರೀ ಕುಸಿತ ಕಂಡಿದ್ದ ಭಾರತ ಈ ಮಟ್ಟಿನ ಗೆಲುವು ಸಾಧಿಸುವ ಪರಿಸ್ಥಿತಿಯಲ್ಲಿ ಇರಲಿಲ್ಲ. ಆದರೆ ಹಂಗಾಮಿ ನಾಯಕ ವೇಗಿ ಬೂಮ್ರಾ ಅವರು ತೋರಿದ ಭರ್ಜರಿ ಪ್ರದರ್ಶನದಿಂದಾಗಿ ಭಾರತ ಪುಟಿದ್ದೆದ್ದಿತು
ಪರ್ತ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಭಾರತ 150 ರನ್‌ಗೆ ಸರ್ವಪತನ ಕಂಡಿತು ಅದನ್ನು ಬೆನ್ನತ್ತಿದ ಆಸಿಸ್‌ 104 ರನ್‌ಗಳಿಗೆ ಸರ್ವಪತನ ಕಂಡಿತು. 45 ರನ್‌ಗಳ ಮುನ್ನಡೆ ಪಡೆದು ಬ್ಯಾಟಿಂಗ್ ಮಾಡಿದ ಭಾರತ 487 ರನ್ ಗಳಿಸಿ 524 ರನ್ ಗಳ ಬೃಹತ್ ಗುರಿ ನೀಡಿತು. ಅದನ್ನು ಬೆನ್ನತ್ತಿದ ಆಸೀಸ್ 238 ರನ್ ಗಳಿಗೆ ಆಲೌಟ್ ಆಗಿದ್ದು ಭಾರತ 295 ರನ್‌ಗಳ ಬೃಹತ್ ಗೆಲುವು ಸಾಧಿಸಿದೆ
