ಬೆಂಗಳೂರು : ಬೆಂಗಳೂರಿನಲ್ಲಿ ಹಗಲಿರುಳು ನಡೆಯುತ್ತಿರುವ ಬೆಂಗಳೂರು ಕಂಬಳ ಕೂಟದಲ್ಲಿ 159 ಜೊತೆ ಕೋಣಗಳು ಭಾಗವಹಿಸಿದ್ದು ಸಿಲಿಕಾನ್ ಸಿಟಿಯ ಜನರಿಗೆ ಕರಾವಳಿಯ ಜಾನಪದ ಕ್ರೀಡೆಯ ಪರಿಚಯ ಮಾಡಿಕೊಟ್ಟಿದೆ
ಬೆಂಗಳೂರು ತುಳುಕುಟದ 50ನೇ ವರ್ಷಾಚರಣೆ ಸಂದರ್ಭದಲ್ಲಿ ರಾಜಧಾನಿಯಲ್ಲಿ ಪ್ರಪ್ರಥಮ ಬಾರಿಗೆ ಅರಮನೆ ಮೈದಾನದಲ್ಲಿ ಆಯೋಜನೆಗೊಂಡ ರಾಜ-ಮಹಾರಾಜ ಜೋಡುಕೆರೆ ಕಂಬಳವು ಇತಿಹಾಸವನ್ನು ಸೃಷ್ಟಿಸಿದೆ ಕಳೆದ ಎರಡು ದಿನಗಳಿಂದ ಕಂಬಳದಲ್ಲಿ ಭಾಗವಹಿಸುವ ಕೋಣಗಳು ಅರಮನೆಯ ಮೈದಾನದಲ್ಲಿ ಬೀಡು ಬಿಟ್ಟಿದ್ದು ಹಬ್ಬದ ವಾತಾವರಣ ನಿರ್ಮಾಣವಾಗಿದೆ ಇಲ್ಲಿಯವರೆಗೆ ಕರಾವಳಿ ವಾತಾವರಣದಲ್ಲಿ ಓಡಿದ ಕೋಣಗಳು ಮೊದಲ ಬಾರಿಗೆ ಕರಾವಳಿಯ ಹೊರಗೆ ಅದು ಚಳಿ ಪ್ರದೇಶವಾದ ಬೆಂಗಳೂರಿನಲ್ಲಿ ನಿರ್ಮಾಣ ಮಾಡಿರುವ ಕೆರೆಯಲ್ಲಿ ತಮ್ಮ ಅಮೋಘ ಪ್ರದರ್ಶನವನ್ನು ನೀಡಿದ್ದು ನೋಡುಗರಿಗೆ ರೋಮಾಂಚನವನ್ನೇ ಸೃಷ್ಠಿಸಿದೆ
ಕುಂದಾಪುರದ ಅನೇಕ ಜೋಡಿ ಕೋಣಗಳು ಸ್ಪರ್ಧೆಯಲ್ಲಿ ಭಾಗವಹಿಸಿದ್ದು ಮೊಳಹಳ್ಳಿ ಅವರ ಕೋಣಕ್ಕೆ ಕುಂದಾಪುರದ ಮಾಜಿ ಯೋಧ ದಿನೇಶ್ ಹೆಗ್ಡೆಯವರು ತೆರಳಿ ಶುಭ ಹಾರೈಸಿದ್ದಾರೆ
ಅರಮನೆ ಮೈದಾನದಲ್ಲಿ ನಡೆದ ಕಂಬಳದಲ್ಲಿ ಕಾಂತಾರ ಸಿನಿಮಾದಲ್ಲಿ ರಿಷಭ್‌ ಶೆಟ್ಟಿ ಓಡಿಸಿದ ಜೋಡಿ ಕೋಣಗಳು ಕನಹಲಗೆ ವಿಭಾಗದಲ್ಲಿ ಚಿನ್ನದ ಪದಕ ಗಳಿಸಿದೆ
