ಚೆನ್ನೈಯನ್ನು ಬಗ್ಗು ಬಡಿದ ಆರ್‌ ಸಿ ಬಿ

ಚೆನ್ನೈ : ಚೆನ್ನೈನ ಅಭಿಮಾನದ ಸಮುದ್ರದ ಮಧ್ಯೆ ಪ್ರಜ್ವಲಿಸಿದ ಆರ್‌ಸಿಬಿ ಬೌಲರ್‌ಗಳು ಹಳದಿ ಸೇನೆಯನ್ನು ಭೇದಿಸಿ ತಮ್ಮ ಗೆಲುವಿನೋಟ ಮುಂದುವರಿಸಿದರು. ಇದರೊಂದಿಗೆ  ಕಳೆದ ವರ್ಷ ಐಪಿಎಲ್‌ ನಿಂದ ಹೊರಹಾಕಿದ್ದ ಬೆಂಗಳೂರು ತಂಡದ ವಿರುದ್ಧದ ಪ್ರತಿಕಾರ ತೀರಿಸಿಕೊಳ್ಳುವ ಚೆನ್ನೈ ಅಭಿಮಾನಿಗಳ ಕನಸು ಭಗ್ನಗೊಂಡಿತು.

ಇದರೊಂದಿಗೆ ಚೆನ್ನೈನ ಚಿಪ್ಪಾಕ್ ಕ್ರೀಡಾಂಗಣದಲ್ಲಿ 17 ವರ್ಷಗಳಲ್ಲಿ ಮೊದಲ ಬಾರಿಗೆ ಗೆಲುವು ಸಾಧಿಸಿರುವ ಬೆಂಗಳೂರು ತಂಡವು ದಾಖಲೆ ಮಾಡಿದೆ. ಇಲ್ಲಿನ ಚಿಪ್ಪಾಕ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ ಬೆಂಗಳೂರು 7 ವಿಕೆಟ್ ಕಳೆದುಕೊಂಡು 196 ರನ್ ಗಳಿಸಿತು. ಈ ಬಳಿಕ ಬ್ಯಾಟಿಂಗ್ ಮಾಡಿದ ಸಿಎಸ್‌ ಕೆ  20 ಓವರ್‌ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 146 ರನ್ ಗಳಿಸಿ 50 ರನ್ ಗಳಿಂದ ಸೋಲೊಪ್ಪಿಕೊಂಡಿತ್ತು.