ಇಂದಿನಿಂದ ಮಹಿಳೆಯರ ಟಿ-20 ವಿಶ್ವಕಪ್

ದುಬೈ : ಮಹಿಳೆಯರ ಟಿ-20 ವಿಶ್ವಕಪ್ ಗೆ ಇಂದು  ಗುರುವಾರ ಚಾಲನೆ ಸಿಗಲಿದೆ. ಪುರುಷರ ಟಿ-20 ವಿಶ್ವಕಪ್ ಮುಗಿದ 3 ತಿಂಗಳ ನಂತರ ಮತ್ತೊಂದು ಐಸಿಸಿ ಟೂರ್ನಿಗೆ ಎಲ್ಲರೂ ಸಿದ್ದರಾಗಿದ್ದು, ಕ್ರಿಕೆಟ್ ಲೋಕದಲ್ಲಿ ಟಿ-20 ವಿಶ್ವಕಪ್ ರಂಗು ಮೂಡಲಿದೆ. ಕ್ರಿಕೆಟ್ ಕ್ರೀಡೆಯು ವಿಶ್ವಾದ್ಯಂತ ವಿಭಿನ್ನ ವಿನ್ಯಾಸ ಪಡೆಯುತ್ತಿದೆ. ಮೊದಲಿಗೆ ಟೆಸ್ಟ್ ಕ್ರಿಕೆಟ್‌ನ ಏಕಮಾತ್ರ ಮಾದರಿಯಾಗಿತ್ತು. ಅದಾದ ಬಳಿಕ ಕ್ರಿಕೆಟ್‌ನಲ್ಲಿ ಮಾದರಿಯಾಗಿ 60 ಓವರ್, ಮುಂದೆ ಬಂದಂತೆ 50 ಓವರ್, ಟಿ-20 ಇತ್ತೀಚೆಗೆ ಟಿ-10 ಮಾದರಿಗಳು ಸೇರ್ಪಡೆಗೊಂಡಿವೆ. ಪುರುಷರ ಕ್ರಿಕೆಟ್ ಮಾದರಿಗಳು ಯಶಸ್ವಿಯಾದಂತೆ ಮಹಿಳೆಯರಲ್ಲೂ ಅದನ್ನು ಅಳವಡಿಸಲಾಗುತ್ತಿದೆ. ಮಹಿಳೆಯರ ವಿಭಾಗದಲ್ಲೂ ಟಿ-20 ಮಾದರಿಯ ವಿಶ್ವಕಪ್ ಆಯೋಜಿಸಿಕೊಂಡು ಬರಲಾಗುತ್ತಿದ್ದು ಗುರುವಾರದಿಂದ ಯುಎಇನಲ್ಲಿ ನಡೆಯಲಿದೆ. ವಾಸ್ತವವಾಗಿ ಬಾಂಗ್ಲಾದಲ್ಲಿ ನಡೆಯಬೇಕಿದ್ದ ಈ ಟೂರ್ನಿ ಕಾರಣಾಂತರಗಳಿಂದಾಗಿ ಯುಎಇನಲ್ಲಿ ನಡೆಯಲಿದೆ.