ಕುಂದಾಪುರ: ಉಪ್ಪುಂದ ನಂದನವನ ಪರಿಚಯ ಹೋಟೆಲ್‌ನ ದೇವಕಿ ಸಭಾಂಗಣ ದಲ್ಲಿ ಮಾ.31ರಂದು ನಡೆದ ಶಿವಮೊಗ್ಗ ಲೋಕಸಭೆ ಕ್ಷೇತ್ರದ ಪಕ್ಷೇತರ ಅಭ್ಯರ್ಥಿ ಈಶ್ವರಪ್ಪ ಅವರ ಚುನಾವಣಾ ಪ್ರಚಾರ ಕಾರ್ಯಕ್ರಮದಲ್ಲಿ ಬಾಲಕರನ್ನು ಬಳಕೆ ಮಾಡಲಾಗಿದೆ ಎಂದು ಬೈಂದೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಜಿಂಕೆ ಅಡ್ಡ ಬಂದು ರಿಕ್ಷಾ ಪಲ್ಟಿ
ಕುಂದಾಪುರ: ಗೋಳಿಹೊಳೆ ಗ್ರಾಮದ ಅರೆಶಿರೂರು 10ನೇ ಮೈಲುಕಲ್ಲು ಬಳಿ ಜಿಂಕೆ ಅಡ್ಡಬಂದ ಹಿನ್ನೆಲೆಯಲ್ಲಿ ಆಟೋ ರಿಕ್ಷಾ ಚಾಲಕನ ಹತೋಟಿ ತಪ್ಪಿ ಮಗುಚಿದೆ. ಪ್ರಯಾಣಿಕರಾದ ಗಿರೀಶ್ ಪಿ.ವಿ ಉಷಾ, ಗಿರಿಪ್ರಸಾದ್, ಸಂಗೀತಾ ಅವರಿಗೆ ಗಂಭೀರ ಗಾಯವಾಗಿದೆ. ಚಾಲಕ ಸಣ್ಣ ಪುಟ್ಟ ಗಾಯಗಳೊಂದಿಗೆ ಪಾರಾಗಿದ್ದು ಬೈಂದೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
ಪಾರ್ಟ್‌ ಟೈಮ್ ಉದ್ಯೋಗ : ವಂಚನೆ
ಉಡುಪಿ : ಪಾರ್ಟ್‌ ಟೈಮ್ ಉದ್ಯೋಗ ಕೊಡುವುದಾಗಿ ನಂಬಿಸಿ ಲಕ್ಷಾಂತರ ರೂ. ವಂಚಿಸಿರುವ ಬಗ್ಗೆ ಗಣೇಶ್ ಎಂಬವರು ದೂರು ನೀಡಿದ್ದಾರೆ. ಗಣೇಶ್ ಅವರ ಮೊಬೈಲ್‌ಗೆ ಅನಾಮಧೇಯ ವ್ಯಕ್ತಿ ಕರೆ ಮಾಡಿ ಪಾರ್ಟ್‌ ಟೈಮ್ ಉದ್ಯೋಗ ನೀಡುವುದಾಗಿ ಟೆಲಿಗ್ರಾಮ್ ನಲ್ಲಿರುವ ಗೂಗಲ್ ಗ್ಲೋಬಲ್ ವರ್ಕಿಂಗ್ ಗ್ರೂಪ್‌ಗೆ ಜಾಯಿನ್ ಆಗುವಂತೆ ತಿಳಿಸಿದ್ದ.
ಗಣೇಶ್ ಅವರು ಟೆಲಿಗ್ರಾಮ್ ಗ್ರೂಪ್‌ಗೆ ಜಾಯಿನ್ ಆಗಿದ್ದು, ನಾನಾ ರೀತಿಯ ಟಾಸ್ಕ್ ಗಳಿಗೆ ಹಣ ಜಮೆ ಮಾಡಿದ್ದಾರೆ. ಆರಂಭದಲ್ಲಿ ಅವರ ಖಾತೆಗೆ ಹಣ ಜಮೆಯಾಗುತ್ತಿತ್ತು. ಬಳಿಕ ಅಪರಿಚಿತರು ಅವರ ಖಾತೆಯಿಂದ 7.75 ಲಕ್ಷ ರೂ.ಗಳನ್ನು ಅಕ್ರಮವಾಗಿ ವರ್ಗಾವಣೆ ಮಾಡಿಕೊಂಡಿದ್ದಾರೆ. ಈ ಬಗ್ಗೆ ಮಣಿಪಾಲ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
