ಗುತ್ತಿಗೆದಾರ ಇಬ್ರಾಹಿಂ ಸಾಹೇಬ್‌ ನಿಧನ
ಕುಂದಾಪುರ : ಕುಂದಾಪುರ ನಗರದ ಚಿಕ್ಕನ್‌ ಸಾಲ್‌ ರಸ್ತೆಯ ನಿವಾಸಿಯಾದ ಇಬ್ರಾಹಿಂ ಸಾಹೇಬ್‌ ರವರು ಅಲ್ಪಕಾಲದ ಅಸೌಖ್ಯದಿಂದ ಬಳಲುತ್ತಿದ್ದು ಇಂದು ಸಂಜೆ ನಿಧನ ಹೊಂದಿದರು
ಕುಂದಾಪುರ ಪುರಸಭೆಯ ಮಾಜಿ ಪುರಸಭಾ ಸದಸ್ಯರಾದ ಇವರು ಗುತ್ತಿಗೆದಾರರಾಗಿದ್ದು ನೀರಿನ ಟ್ಯಾಂಕ್‌ ನಿರ್ಮಾಣ ಕಾಮಗಾರಿಯಲ್ಲಿ ಇವರು ಹೆಸರುವಾಸಿಯಾಗಿದ್ದು ನೀರಿನ ಸಾಹೇಬ್ರು ಎಂದೇ ಜನಜನಿತರಾಗಿದ್ದರು
ಕುಂದಾಪುರದ ಚಿಕ್ಕನ್‌ ಸಾಲ್‌ ರಸ್ತೆಯಲ್ಲಿರುವ ಶ್ರೀ ಮೈಲಾರೇಶ್ವರ ದೇವಸ್ಥಾನದ ಭಕ್ತರಾಗಿದ್ದ ಅವರು ದೇವಸ್ಥಾನದ ಜೀರ್ಣೋಧ್ದಾರ ಸಂದರ್ಭದಲ್ಲಿ ನಂದಿ ಮಂಟಪವನ್ನು ನಿರ್ಮಿಸಿಕೊಟ್ಟಿದ್ದರು
ಮೈಲಾರೇಶ್ವರ ಯುವಕ ಮಂಡಲದ ಸದಸ್ಯರಾಗಿದ್ದು ಅಧ್ಯಕ್ಷರಾಗಿ ಇವರು ಅನೇಕ ಸೇವಾ ಕಾರ್ಯ ಚಟುವಟಿಕೆಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದರು. ಸರ್ವಧರ್ಮ ಸಹಿಷ್ಣುತತೆ ಹೊಂದಿದ್ದ ಅವರು ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಅಗಲಿದ್ದಾರೆ
ಇವರಿಗೆ 73 ವರ್ಷ ವಯಸ್ಸಾಗಿದ್ದು ಪತ್ನಿ ಓರ್ವ ಪುತ್ರ ಹಾಗೂ ಮೂವರು ಪುತ್ರಿಯರನ್ನು ಅಗಲಿದ್ದಾರೆ
ನಾಳೆ ಶುಕ್ರವಾರ ಬೆಳಿಗ್ಗೆ 10 ಗಂಟೆಗೆ ಅವರ ಅಂತ್ಯಸಂಸ್ಕಾರ ನಡೆಯಲಿದೆ
