ಫ್ರೆಂಡ್ಸ್‌ ಸರ್ಕಲ್‌ ಮಾದರಿ ಸಂಸ್ಥೆ-ಬಿ ಕಿಶೋರ್‌ ಕುಮಾರ್
ಪರಿಸರದಲ್ಲಿ ಧಾರ್ಮಿಕ ಶ್ರಧ್ಧಾಕೇಂದ್ರಗಳು ಎಷ್ಟು ಮುಖ್ಯವೋ ಹಾಗೇ ಸಂಘ ಸಂಸ್ಥೆಗಳು ಅಷ್ಟೇ ಪ್ರಾಮುಖ್ಯ ಪಡೆದಿದ್ದು ಅದರಲ್ಲೂ ಫ್ರೆಂಡ್ಸ್‌ ಸರ್ಕಲ್‌ ಸಂಸ್ಥೆಯು ಸಮಾಜಮುಖಿ ಚಿಂತನೆಯೊಂದಿಗೆ ಪರಿಸರ ಮತ್ತು ಸಮಾಜದ ಬಗ್ಗೆ ನೈಜ ಕಾಳಜಿ ಹೊಂದಿದ್ದು ಇವರ ಸಮಾಜಮುಖಿ ಕಾರ್ಯಕ್ರಮಗಳು ಇತರ ಸಂಘ ಸಂಸ್ಥೆಗಳಿಗೆ ಮಾದರಿಯಾಗಿದೆ ಎಂದು ಕುಂದಾಪುರ ಕಲಾಕ್ಷೇತ್ರ ಟ್ರಸ್ಟ್‌ನ ಅಧ್ಯಕ್ಷರಾದ ಬಿ ಕಿಶೋರ ಕುಮಾರ್ ನುಡಿದರು ಸ್ಥಳೀಯ ಫ್ರೆಂಡ್ಸ್‌ ಸರ್ಕಲ್‌ನ ವಾರ್ಷೀಕೋತ್ಸವ ಸಮಾರಂಭದ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಅವರು ಜೀವೋ ಜೀವಸ್ಯ ಜೀವಿತಂ ಸಮಾಜದಲ್ಲಿ ಒಬ್ಬರು ಇನ್ನೊಬ್ಬರನ್ನು ಅವಲಂಬಿಸಿಯೇ ಜೀವನ ನೆಡೆಸುವುದು ಸೃಷ್ಟಿಯ ನಿಯಮ ಎಂದರು
ಕುಂದಾಪುರ ಪುರಸಭೆಯ ಅಧ್ಯಕ್ಷರಾದ ಶ್ರೀಮತಿ ವೀಣಾ ಭಾಸ್ಕರ್‌ ಮೆಂಡನ್‌ ರವರು ಸಭೆಯ ಅಧ್ಯಕ್ಷತೆಯನ್ನು ವಹಿಸಿಕೊಂಡಿದ್ದರು ವೇದಿಕೆಯಲ್ಲಿ ಸೂಪರ್‌ ಗ್ರೇಡ್‌ ವಿದ್ಯುತ್‌ ಗುತ್ತಿಗೆದಾರರಾದ ಕೆ ಆರ್‌ ನಾಯ್ಕ್‌ ತೆಕ್ಕಟ್ಟೆ ಗಣೇಶ್‌ ಸಿಲ್ಕ್ಸ್‌ ಮಾಲಕರಾದ ಅನಂತ ನಾಯಕ್‌ ಪ್ರಕಾಶ್‌ ಬೆಟ್ಟಿನ್‌ ಜೆ ಸಿ ಐ ನ ನಾಗೇಶ್‌ ನಾವುಡ ಸಂಸ್ಥೆಯ ಗೌರವಾಧ್ಯಕ್ಷರಾದ ಶೀನ ಖಾರ್ವಿ ಸಂಸ್ಥೆಯ ಅಧ್ಯಕ್ಷರಾದ ನಾಗರಾಜ್‌ ಖಾರ್ವಿ ಗಣೇಶ್‌ ನಾಯಕ್‌ ಪುರಸಭಾ ಸದಸ್ಯರಾದ ಶ್ರೀಮತಿ ದೇವಕಿ ಸಣ್ಣಯ್ಯ ಶ್ರೀಧರ್‌ ಶೇರಿಗಾರ್‌ ಉಪಸ್ಧಿತರಿದ್ದರು .ರಾಷ್ಟ್ರೀಯ ಕ್ರಿಕೆಟ್‌ ತಂಡದ ಆಟಗಾರ ಪೃಥ್ವಿರಾಜ್‌ ಅವರನ್ನು ಈ ಸಂದರ್ಭದಲ್ಲಿ ಸನ್ಮಾನಿಸಲಾಯಿತು
ಶ್ರೀಧರ್‌ ಜಿ ಖಾರ್ವಿ ನಿರೂಪಿಸಿದ ಕಾರ್ಯಕ್ರಮದಲ್ಲಿ ಸುಕುಮಾರ್‌ ರವರು ಪ್ರಾಸ್ತಾವಿಕ ಮಾತುಗಳನ್ನಾಡಿ ಮನೋಹರ್‌ ಪುತ್ರನ್‌ ಗತವರ್ಷದ ವರದಿ ವಾಚಿಸಿದರು ಸುಗುಣ ರಮೇಶ್ ಪ್ರಾರ್ಥಿಸಿ ನಾಗರಾಜ್‌ ಖಾರ್ವಿ ಧನ್ಯವಾದವಿತ್ತರು
