ಶ್ರೀ ರಾಮನಿಗೆ 1 ಗಂಟೆ ವಿಶ್ರಾಂತಿ

ಅಯೋಧ್ಯೆ : ಶುಕ್ರವಾರದಿಂದ ಜಾರಿಯಾಗುವಂತೆ ಅಯೋಧ್ಯೆಯ ರಾಮಮಂದಿರ ಪ್ರತಿದಿನ ಮಧ್ಯಾಹ್ನ ಒಂದು ಗಂಟೆ ಕಾಲ ಮುಚ್ಚಲಾಗುವುದು ಎಂದು ಮಂದಿರದ ಮುಖ್ಯ ಅರ್ಚಕರು ತಿಳಿಸಿದ್ದಾರೆ. ನಿರಂತರ ದರ್ಶನದಿಂದ ಬಾಲರಾಮನಿಗೆ ಕೆಲ ಕಾಲ ಬಿಡುವು ಕೊಡಲು ಟ್ರಸ್ಟ್ ನಿರ್ಧರಿಸಿದ್ದು, ಪ್ರತಿದಿನ ಮಧ್ಯಾಹ್ನ 12:30ರಿಂದ 1:30ರವರೆಗೆ ಬಾಗಿಲುಗಳನ್ನು ಮುಚ್ಚಲಾಗುವುದು ಎಂದು ಪ್ರಧಾನ ಅರ್ಚಕ ಆಚಾರ್ಯ ಸತ್ಯೇಂದ್ರ ದಾಸ್ ತಿಳಿಸಿದ್ದಾರೆ. ಈಗಾಗಲೇ ಭಕ್ತರ ದಂಡು ಹರಿದುಬರುತ್ತಿರುವ ಹಿನ್ನೆಲೆಯಲ್ಲಿ ದೇವಸ್ಥಾನದ ಟ್ರಸ್ಟ್‌ ಬೆಳಗ್ಗೆ 6ರಿಂದ ರಾತ್ರಿ 10ರವರೆಗೆ ದರ್ಶನದ ಸಮಯ ಹೆಚ್ಚಿಸಲಾಗಿದೆ