ಮಂಗಳೂರು : ಉಳ್ಳಾಲ ಪೊಲೀಸ್ ಠಾಣೆಯಲ್ಲಿ ಸ್ಪೆಷಲ್ ಬ್ರ್ಯಾಂಚ್‌ ಕಾನ್ಸ್ಟೇಬಲ್ ಆಗಿದ್ದ ವಾಸುದೇವ ಚೌಹಾನ್ ಎಂಬವರನ್ನು ಮಂಗಳೂರು ಪೊಲೀಸ್ ಕಮಿಷನರ್ ಕುಲದೀಪ್‌ ಜೈನ್ ನವರು ಅಮಾನತು ಮಾಡಿ ಆದೇಶ ಹೊರಡಿಸಿದ್ದಾರೆ
ಇತ್ತೀಚಿಗೆ ತಲಪಾಡಿ ಗಡಿ ಭಾಗದಲ್ಲಿ ಜೂಜಾಟ ನಡೆಸುತ್ತಿದ್ದ ತಂಡವನ್ನು ಎಸಿಪಿ ನೇತೃತ್ವದ ಪೊಲೀಸರು ದಾಳಿ ನಡೆಸಿ ಬಂಧಿಸಿದ್ದರು ಅದರ ಬಗ್ಗೆ ಉಳ್ಳಾಲ ಠಾಣೆಯ ಎಸ್ ಬಿ ಆಗಿದ್ದ ವಾಸುದೇವ್‌ ಅವರಿಗೆ ಖಚಿತ ಮಾಹಿತಿಗಳಿದ್ದವು ಅಲ್ಲದೆ ಅವರು ಆರೋಪಿಗಳ ಜೊತೆ ಶಾಮೀಲಾಗಿದ್ದಾರೆ ಎನ್ನುವ ಆರೋಪಗಳಿದ್ದವು
ಈ ಬಗ್ಗೆ ಖಚಿತ ಮಾಹಿತಿಗಳನ್ನು ಹೊಂದಿದ್ದ ಎಸಿಪಿ ಧನ್ಯಾ ನಾಯಕ್‌ ರವರು ತಲಪಾಡಿ ಗಡಿಭಾಗದ ತಚ್ಚಣಿ ಎಂಬಲ್ಲಿಗೆ ದಾಳಿ ನಡೆಸಿದ್ದರು
ದಾಳಿ ವೇಳೆ ಪ್ರಮುಖ ಆರೋಪಿಯಾಗಿದ್ದ ಗ್ರಾ. ಪಂ. ಸದಸ್ಯ ಪರಾರಿಯಾಗಿದ್ದ ಈ ವೇಳೆ ಪೊಲೀಸ್ ಪೇದೆ ವಾಸುದೇವ ಆರೋಪಿಗಳಿಗೆ ಮಾಹಿತಿ ನೀಡಿದ್ದ ಹಾಗೂ ಅವರೊಂದಿಗೆ ಕೃತ್ಯದಲ್ಲಿ ಭಾಗಿಯಾಗಿದ್ದ ಎನ್ನುವುದು ಮೇಲ್ನೋಟಕ್ಕೆ ಕಂಡುಬಂದಿದ್ದರಿಂದ ಎಸಿಪಿಯವರು ನೇರವಾಗಿ ಕಮೀಷನರ್‌ ರವರಿಗೆ ವರದಿ ನೀಡಿದ್ದರು ಪೊಲೀಸ್ ಕಮೀಷನರ್‌ ಇಲಾಖಾ ತನಿಕೆಗೆ ಆದೇಶಿಸಿ ವಾಸುದೇವನನ್ನು ಅಮಾನತು ಮಾಡಿದ್ದಾರೆ
