ಕುಂದಾಪುರ:ಕುಂದಾಪುರ ವಿಧಾನಸಭಾ ಕ್ಷೇತ್ರದಲ್ಲಿ ಬಿಜೆಪಿಯ ಅಭ್ಯರ್ಥಿಯಾದ ಕಿರಣ್ ಕುಮಾರ್‌ ಕೊಡ್ಗಿಯವರು ಭರ್ಜರಿ ಗೆಲುವನ್ನು ದಾಖಲಿಸಿ ಇತಿಹಾಸ ನಿರ್ಮಿಸಿದ್ದಾರೆ ಅವರು 1,02,424 ಮತಗಳನ್ನು ಪಡೆದಿದ್ದು ಎದುರಾಳಿ ಕಾಂಗ್ರೇಸ್‌ ನ ದಿನೇಶ್‌ ಹೆಗ್ಡೆ ಮೊಳಹಳ್ಳಿಯವರು ಕೇವಲ 60,868 ಮತಗಳನ್ನು ಪಡೆದಿದ್ದಾರೆ ಕಿರಣ್ ಕುಮಾರ್‌ ಕೊಡ್ಗಿಯವರು 41,556 ಮತಗಳ ಅಂತರದಿಂದ ಗೆಲುವಿನ ನಗೆ ಬೀರಿದ್ದಾರೆ
ಇದೇ ಮೊದಲ ಬಾರಿಗೆ ಭಾರಿ ಅಂತರದಿಂದ ಜಯಗಳಿಸಿದ ಕೊಡ್ಗಿಯವರಿಗೆ ಮಾಬುಕಳದಿಂದ ಭವ್ಯ ಸ್ವಾಗತ ನೀಡಲಾಯಿತು ಬಿಜೆಪಿ ಮಹಿಳಾ ಮೋರ್ಚಾ ಕಾರ್ಯಕರ್ತರು ಕೊಡ್ಗಿಯವರನ್ನು ಸ್ವಾಗತಿಸಿದರು ಶಾಸಕರಾದ ಹಾಲಾಡಿ ಶ್ರೀನಿವಾಸ ಶೆಟ್ಟಿಯವರು ಕಿರಣ್ ಕೊಡ್ಗಿಯವರ ಬರುವಿಕೆಗಾಗಿ ಮಾಬುಕಳದಲ್ಲಿ ಕಾದಿದ್ದರು
ವಿವಿಧೆಡೆಯಲ್ಲಿ ಅವರಿಗೆ ಮಲ್ಲಿಗೆ ಹಾರವನ್ನು ಹಾಕಿ ಪಟಾಕಿಯನ್ನು ಸಿಡಿಸುವುದರ ಮೂಲಕ ಸ್ವಾಗತಿಸಿ ಸಂಭ್ರಮಿಸಿದರು ನಂತರ ಶಾಸ್ತ್ರೀಪಾರ್ಕ್‌ನಿಂದ ಬಿಜೆಪಿ ಕಚೇರಿಯ ವರೆಗೆ ಕಾಲ್ನಡಿಗೆಯಲ್ಲಿ ಆಗಮಿಸಿಬಿಜೆಪಿ ಕಚೇರಿಯಲ್ಲಿ ಕಾರ್ಯಕರ್ತರನ್ನು ಉದ್ದೇಶಿಸಿ ಮಾತನಾಡಿದ ಕೊಡ್ಗಿಯವರು ತನ್ನ ಗೆಲುವನ್ನು ಹಾಲಾಡಿ ಶ್ರೀನಿವಾಸ ಶೆಟ್ಟಿಯವರಿಗೆ ಅರ್ಪಿಸಿದರು ನಗರದ ಬಿಜೆಪಿ ಕಾರ್ಯಾಲಯದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಭಾರತ್‌ ಮಾತಾ ಭಾವಚಿತ್ರಕ್ಕೆ ಅವರು ಪುಷ್ಪಾರ್ಚನೆಗೈದರು
