ಕುಂದಾಪುರ : ಕೊಲ್ಲೂರು ಶ್ರೀ ಮೂಕಾಂಬಿಕ ದೇಗುಲದಲ್ಲಿ ನಿನ್ನೆ ಶುಕ್ರವಾರ ಅಷ್ಟಬಂಧ ಬ್ರಹ್ಮಕಲಶೋತ್ಸವವು ಸಂಪನ್ನಗೊಂಡಿತು ಬ್ರಹ್ಮಕಲಶೋತ್ಸವದ ಅಂಗವಾಗಿ ತಂತ್ರಿಗಳಾದ ನಿತ್ಯಾನಂದ ಅಡಿಗರ ನೇತ್ರತ್ವದಲ್ಲಿ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನಡೆದು ಬೆಳಿಗ್ಗೆ ಯಾಗೇಶ್ವರಿ ಹೋಮದೊಂದಿಗೆ ಸಹಸ್ರ ಕಲಶಗಳೊಂದಿಗೆ ಗರ್ಭಗುಡಿಯ ಶಿಖರಕ್ಕೆ ಕಲಶವನ್ನು ಪ್ರತಿಷ್ಠಾಪಿಸಲಾಯಿತು
ಧಾರ್ಮಿಕ ಕಾರ್ಯಕ್ರಮದ ಅಂಗವಾಗಿ ಧ್ವಜಪೂಜೆ ಕ್ಷೇತ್ರಪಾಲ ಪೂಜೆ ಚತುರ್ವೇದ ಪಾರಾಯಣ ಸಹಿತ ಭೇರಿತಾಡನ ಪಲ್ಲಕ್ಕಿ ಉತ್ಸವ ಮಯೂರ ಆರೋಹಣೋತ್ಸವ ಮುಂತಾದ ಕಾರ್ಯಕ್ರಮಗಳೊಂದಿಗೆ ಅಷ್ಠಬಂಧ ಬ್ರಹ್ಮಕಲಶೋತ್ಸವವು ಸಂಪನ್ನಗೊಂಡಿತು
ಶಾಸಕ ಬಿ ಎಂ ಸುಕುಮಾರ್ ಶೆಟ್ಟಿ ಮಾಜಿ ಶಾಸಕ ಕೆ ಗೋಪಾಲ ಪೂಜಾರಿ ದೇಗುಲದ ವ್ಯವಸ್ಥಾಪನ ಸಮಿತಿ ಅಧ್ಯಕ್ಷ ಕೆರಾಡಿ ಚಂದ್ರಶೇಖರ ಶೆಟ್ಟಿ ಕಾರ್ಯನಿರ್ವಹಣಾಧಿಕಾರಿ ಎಸ್ ಸಿ ಕೋಟಾರಗಸ್ತಿ ಸದಸ್ಯರಾದ ಡಾ. ರಾಮಚಂದ್ರ ಅಡಿಗ ಡಾ. ಅತುಲ್ ಕುಮಾರ್ ಶೆಟ್ಟಿ ಗಣೇಶ್ ಕಿಣಿ ಬೆಳ್ವೆ ನಾಡ ಗೋಪಾಲಕೃಷ್ಣ ಶೇಕರ ಪೂಜಾರಿ ಸಂಧ್ಯಾ ರಮೇಶ್ ರತ್ನ ಆರ್ ಕುಂದರ್
ನಿತ್ಯಾನಂದ ಅಡಿಗ ಡಾಕ್ಟರ್ ಕೆ ಎಲ್ ನರಸಿಂಹ ಅಡಿಗ ಗೋವಿಂದ ಅಡಿಗ ಶ್ರೀಧರ ಅಡಿಗ ಸುಬ್ರಹ್ಮಣ್ಯ ಅಡಿಗ ಕೇರಳ ವಿಧಾನಸಭೆಯ ವಿರೋಧ ಪಕ್ಷದ ನಾಯಕ ವಿ ಡಿ ಸತೀಶ್ ಕೊಲ್ಲೂರು ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಶಿವರಾಮಕೃಷ್ಣ ಭಟ್ ಮತ್ತಿತರರು ಉಪಸ್ಥಿತರಿದ್ದರು
