ಕುಂದಾಪುರ : ನಗರದ ಚಿಕ್ಕಮ್ಮನಸಾಲು ರಸ್ತೆಯಲ್ಲಿರುವ ಶ್ರೀ ಮೈಲಾರೇಶ್ವರ ಯುವಕ ಮಂಡಲದ ಆಶ್ರಯದಲ್ಲಿ ನಡೆಯುತ್ತಿರುವ ಮೈಲಾರೇಶ್ವರ ಅಂಗನವಾಡಿ ಕೇಂದ್ರದ ನವೀಕೃತ ಕಟ್ಟಡವನ್ನು ಶಾಸಕ ಕಿರಣ್‌ ಕುಮಾರ್‌ ಕೊಡ್ಗಿಯವರು ಉದ್ಘಾಟಿಸಿ ಮಾತನಾಡಿದರು
ಶಿಕ್ಷಣ ಕ್ಷೇತ್ರದಲ್ಲಿ ಇಂದು ತೀವೃ ಪೈಪೋಟಿ ಇದ್ದು ಸರಕಾರಿ ಶಾಲೆಗಳು ಉಳಿದು ಬೆಳೆಯಲು ಅಂಗನವಾಡಿ ಕೇಂದ್ರಗಳ ಪಾತ್ರ ಪ್ರಮುಖವಾಗಿದೆ ಅಂಗನವಾಡಿ ಕೇಂದ್ರಗಳ ಅಭಿವೃದ್ಧಿಗಾಗಿ ಸರಕಾರದ ಅನುದಾನಗಳಿಗೆ ಅಪೇಕ್ಷೆ ಪಡದೇ ಸ್ಥಳೀಯ ಸಂಘ ಸಂಸ್ಥೆಗಳ ಸಹಕಾರದಿಂದ ಸಂಸ್ಕಾರಯುತ ಶಿಕ್ಷಣದೊಂದಿಗೆ ಅಂಗನವಾಡಿ ಕೇಂದ್ರವನ್ನು ಅಭಿವೃದ್ಧಿಪಡಿಸಬೇಕೆಂದು ಕರೆ ನೀಡಿದ ಅವರು ಅಂಗನವಾಡಿ ಕೇಂದ್ರಗಳೇ ಸರಕಾರಿ ಶಾಲೆಗಳ ಆಧಾರ ಸ್ತಂಭಗಳು ಎಂಧು ನುಡಿದರು ಕುಂದಾಪುರದ ಮಾಜಿ ಶಾಸಕರಾದ ಶ್ರೀ ಹಾಲಾಡಿ ಶ್ರೀನಿವಾಸ್ ಶೆಟ್ಟಿ ಯವರ ಅನುದಾನದಲ್ಲಿ ಶ್ರೀ ವೈಲಾರೇಶ್ವರ ಅಂಗನವಾಡಿ ಕೇಂದ್ರವನ್ನು ನವೀಕರಣ ಮಾಡಲಾಗಿತ್ತು
ಸಮಾರಂಭದ ಅಧ್ಯಕ್ಷತೆಯನ್ನು ಶ್ರೀ ಮೈಲಾರೇಶ್ವರ ಯುವಕ ಮಂಡಲದ ಅಧ್ಯಕ್ಷರಾದ ಜಿ ಆರ್‌ ಪ್ರಕಾಶ್‌ ವಹಿಸಿದ್ದರು ವೇದಿಕೆಯಲ್ಲಿ ಪುರಸಭಾ ಸದಸ್ಯ ಶ್ರೀಧರ್‌ ಶೇರಿಗಾರ್‌ ಯುವಕ ಮಂಡಲದ ಕಾರ್ಯದರ್ಶಿ ಕೆ ಪಿ ಸುಧೀರ್‌ ಅಂಗನವಾಡಿ ಶಿಕ್ಷಕಿ ಸರೋಜಾ ಉಪಸ್ಥಿತರಿದ್ದರು ಡಿ ಸತೀಶ್‌ ನಿರೂಪಿಸಿದ ಕಾರ್ಯಕ್ರಮದಲ್ಲಿ ಯುವಕ ಮಂಡಲದ ಅಧ್ಯಕ್ಷರಾದ ಜಿ ಆರ್‌ ಪ್ರಕಾಶ್‌ ಸ್ವಾಗತಿಸಿ ಜ್ಯೋತಿ ಪ್ರಾರ್ಥಿಸಿ ವರದರಾಜ್‌ ಪೈ ಧನ್ಯವಾದವಿತ್ತರು
ಇದೇ ಸಂದರ್ಭದಲ್ಲಿ ಕಟ್ಟಡ ನವೀಕರಣದಲ್ಲಿ ವಿಶೇಷ ಮುತುವರ್ಜಿ ವಹಿಸಿದ ಅರುಣ್‌ ಕುಮಾರ್‌ ಬಾಣರವರನ್ನು ಕಿರಣ್‌ ಕುಮಾರ್‌ ಕೊಡ್ಗಿಯವರು ಶಾಲು ಹೊದಿಸಿ ಗೌರವಿಸಿದರು
ಮೊಗವೀರ ಸಭಾ ಭವನದ ಎದರುಗಡೆಯಲ್ಲಿ ನಡೆದ ಯುವಕ ಮಂಡಲದ ಸದಸ್ಯರ ಸಾಮೂಹಿಕ ವಾಹನ ಪೂಜೆಗೆ ಶಾಸಕ ಕಿರಣ್‌ ಕುಮಾರ್‌ ಕೊಡ್ಗಿಯವರು ಚಾಲನೆ ನೀಡಿದರು
