123
ಶಿರ್ವ: ಶಿರ್ವ ಪೊಲೀಸ್ ಠಾಣಾ ವ್ಯಾಪ್ತಿಯ ಬೆಳ್ಳೆ ಗ್ರಾಮದ ಪಡುಬೆಳ್ಳೆ ಪಾಜಕ ದ್ವಾರದ ಬಳಿ ಕಾರು ಮತ್ತು ಅಟೋರಿಕ್ಷಾ ಪರಸ್ಪರ ಡಿಕ್ಕಿಯಾಗಿ ಅಟೋ ಪ್ರಯಾಣಿಕರೊಬ್ಬರು ಮೃತ ಪಟ್ಟ ಘಟನೆ ನಡೆದಿದೆ.
ಘಟನೆಯಲ್ಲಿ ಅಟೋರಿಕ್ಷಾ ಪ್ರಯಾಣಿಕೆ ಕುರ್ಕಾಲು ಸುಭಾನಗರದ ನಿವಾಸಿ ಆಗ್ರೇಸ್ ನೊರೋನ್ಹಾ (76) ಗಂಭೀರ ಗಾಯಗೊಂಡು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ರಾತ್ರಿ ವೇಳೆ ಮೃತಪಟ್ಟಿದ್ದಾರೆ.
ರಿಕ್ಷಾ ಚಾಲಕ ಸುರೇಶ್ ಪೂಜಾರಿ ಮತ್ತು ಕಾರಿನಲ್ಲಿದ್ದ ಪ್ರಯಾಣಿಕ ದಾನಪ್ಪ ರಾಥೋಡ್ ಅವರು ಗಾಯಗೊಂಡಿದ್ದಾರೆ. ರಿಕ್ಷಾದಲ್ಲಿ ಆಗ್ರೇಸ್ ಅಕ್ಕನ ಮಗಳು ಜೆಸಿಂತಾ ಮಿನೇಜಸ್ ಕೂಡಾ ಇದ್ದು ಅಪಾಯದಿಂದ ಪಾರಾಗಿದ್ದಾರೆ. ಕಾರು ಡಿಕ್ಕಿಯಾದ ರಭಸಕ್ಕೆ ರಿಕ್ಷಾ ಚಾಲಕ ಸೇರಿದಂತೆ ರಿಕ್ಷಾದಲ್ಲಿದ್ದ ಪ್ರಯಾಣಿಕರು ಹೊರಗಡೆ ಎಸೆಯಲ್ಪಟ್ಟಿದ್ದರು. ಕಾರು ಚಾಲಕ ಮನೋಜ್ ಮೇಲೆ ಶಿರ್ವ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
