227
ಕೊಲ್ಲೂರು : ಕೊಲ್ಲೂರಿನ ಹೊಸೂರು ಗ್ರಾಮದ ಜನ್ನಲ್‌ ಕ್ರಾಸ್‌ ಬಳಿಯ ರಾಷ್ಟ್ರೀಯ ಹೆದ್ದಾರಿ 27 ರ ರಸ್ತೆಯಲ್ಲಿ ಚಲಿಸುತ್ತಿದ್ದ ಸ್ಕೂಟರ್‌ಗೆ ನಾಯಿ ಅಡ್ಡ ಬಂದ ಪರಿಣಾಮ ಸಹ ಸವಾರೆ ಪಾರ್ವತಿ ಎಂಬವರು ಗಂಭೀರವಾಗಿ ಗಾಯಗೊಂಡಿದ್ದಾರೆ
ಹೊಸೂರು ಗ್ರಾಮದ ಜನ್ನಲ್‌ ಕ್ರಾಸ್‌ ಬಳಿಯ ರಸ್ತೆಯಲ್ಲಿ ಸಚಿನ್‌ ತನ್ನ ಸ್ಕೂಟರಿನ ಹಿಂಬದಿಯಲ್ಲಿ ಅಜ್ಜಿಯನ್ನು ಕುಳ್ಳರಿಸಿಕೊಂಡು ಹೋಗುತ್ತಿರುವಾಗ ಎಕಾಎಕೀ ಅಡ್ಡಬಂದ ನಾಯಿಯನ್ನು ನೋಡಿ ಒಮ್ಮೆಲೇ ಬ್ರೇಕ್‌ ಹಾಕಿದಾಗ ಸ್ಕೂಟರ್‌ ರಸ್ತೆಗೆ ಬಿದ್ದು ಪಾರ್ವತಿಯವರ ತಲೆಗೆ ಗಂಭೀರ ಗಾಯವಾಗಿದೆ ತಕ್ಷಣ ಅವರನ್ನು ಕುಂದಾಪುರದ ಆದರ್ಶ ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆ ಕೊಡಿಸಿ ಅಲ್ಲಿಂದ ಮಣಿಪಾಲ ಕೆ.ಎಂಸಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಮಂಗಳೂರಿನ ವೆನ್‌ಲಾಕ್‌ ಆಸ್ಪತ್ರೆಗೆ ದಾಖಲಿಸಲಾಗಿದೆ
ಕೊಲ್ಲೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
