ಕಾರು ಢಿಕ್ಕಿ : ಚಾಲಕ ಸಾವು

ಕುಂದಾಪುರ : ಕೋಟೇಶ್ವರದ ಅಂಕದಕಟ್ಟೆ ಬಳಿ  ರಾಷ್ಟ್ರೀಯ ಹೆದ್ದಾರಿ 66 ರ ಸಹನಾ ಹೋಟೆಲ್‌ ಎದುರುಗಡೆಯಲ್ಲಿ ಗುರುವಾರ ರಾತ್ರಿ ನಡೆದ ಅಪಘಾತದಲ್ಲಿ ಕಾರು ಢಿಕ್ಕಿಯಾಗಿ ಲಾರಿ ಚಾಲಕ ಮೃತಪಟ್ಟಿದ್ದಾರೆ. ಗದಗ ಜಿಲ್ಲೆ ರೋಣ ತಾಲೋಕಿನ ಲಾರಿ ಚಾಲಕ ಲಾಡಸಾಬ್‌ ನದಾಫ್ 27 ವರ್ಷ ಎಂದು ತಿಳಿದುಬಂದಿದೆ ಕಾರು ಢಿಕ್ಕಿ ಹೊಡೆದ ರಭಸಕ್ಕೆ ಅವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ

ಲಾರಿಯ ಬಲ ಬದಿಯ ಮುಂದಿನ 2ನೇ ಚಕ್ರದ ಟಯರ್ ಪಂಚರ್ ಆಗಿತ್ತು. ರಸ್ತೆಯ ಎಡ ಬದಿ ನಿಲ್ಲಿಸಿ ಪಾರ್ಕಿಂಗ್ ಲೈಟ್ ಹಾಗೂ ಹಿಂದಿನ ವಾಹನಕ್ಕೆ ತಿಳಿಯುವ ಹಾಗೆ ಸಿಗ್ನಲ್ ಲೈಟ್ ಹಾಕಿ ಟಯರ್ ಚೆಕ್‌ ಮಾಡುತ್ತಿರುವಾಗ ಕೋಟೇಶ್ವರ ಕಡೆಯಿಂದ ಕುಂದಾಪುರ ಕಡೆಗೆ ಬಂದ ಕಾರು ಲಾರಿ ಚಾಲಕನಿಗೆ ಢಿಕ್ಕಿಯಾಗಿದೆ. ಕಾರು ಪರಾರಿಯಾಗಿದೆ ಎಂದು ಎಫ್‌ ಐ ಆರ್‌ ನಲ್ಲಿ ಉಲ್ಲೇಖವಾಗಿದ್ದು ಕುಂದಾಪುರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ