ಅವಾಚ್ಯ ಶಬ್ದದಿಂದ ನಿಂದಿಸಿ ಜೀವ ಬೆದರಿಕೆ
ಕುಂದಾಪುರ : ಆದಿತ್ಯವಾರ ರಾತ್ರಿ 11.15ರ ವೇಳೆಗೆ ಹೊಟ್ಟೆನೋವು ಎಂದು ಚಿಕಿತ್ಸೆಗೆ ಬಂದಿದ್ದ ರಾಧ ಎಂಬವರ ಪತಿ ಬೀಜಾಡಿ ನಿವಾಸಿ ನಾಗರಾಜ ಎಂಬಾತ ತಾಲೂಕು ಸರಕಾರಿ ಆಸ್ಪತ್ರೆಯ ವೈದ್ಯಾಧಿಕಾರಿಗಳಾದ ಮೂರ್ತಿರಾಜ್‌ ಹಾಗೂ ಶೂಶ್ರೂಶಾಧಿಕಾರಿಯಾದ ಶೋಭಾ ಕುಮಾರಿಯವರಿಗೆ ಅವಾಚ್ಯ ಶಬ್ಧಗಳಿಂದ ನಿಂದಿಸಿ ಜೀವ ಬೆದರಿಕೆ ಹಾಕಿದ ಬಗ್ಗೆ ಕುಂದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
ಬೈಕ್ ಡಿಕ್ಕಿ : ಪಾದಚಾರಿಗೆ ಗಾಯ
ಕಾರ್ಕಳ : ನಿಂಜೂರು ಗ್ರಾಮದ ನಿಂಜೂರು ಜಗದಾಂಬಾ ವೆಲ್ಡಿಂಗ್ ವರ್ಕ್ ಬಳಿ ಪಳ್ಳಿ ಪೇಟೆಯಿಂದ ಮನೆ ಕಡೆಗೆ ತೆರಳು ತ್ತಿದ್ದ ಪಾದಚಾರಿ ಶೇಖರ ಎಂಬವರಿಗೆ ಹಿಂಬದಿಯಿಂದ ಬೈಕ್ ಡಿಕ್ಕಿಯಾಗಿ ಪಾದಚಾರಿ ಗಾಯಗೊಂಡಿದ್ದಾರೆ. ಬೈಕ್ ಸವಾರ ರಿಬ್ಬರಿಗೂ ಗಾಯವಾಗಿದೆ.ಕಾರ್ಕಳ ನಗರ ಠಾಣೆ ಯಲ್ಲಿ ಪ್ರಕರಣ ದಾಖಲಾಗಿದೆ.
ಕಾರು ಡಿಕ್ಕಿ – ಗಂಭೀರ ಗಾಯ
ಜಪ್ತಿ- ದಬ್ಬೆಕಟ್ಟೆ ರಸ್ತೆಯಲ್ಲಿ ಕಾರು ಅಜಾಗರೂಕತೆ ಯಿಂದ ಬೈಕ್ ಗೆ ಡಿಕ್ಕಿ ಹೊಡೆದ ಪರಿಣಾಮ ರಮೇಶ್ (32) ಗಂಭೀರ ಗಾಯಗೊಂಡಿದ್ದಾರೆ. ಅವರನ್ನು ಕೋಟೇಶ್ವರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ ಕುಂದಾಪುರ ನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಕಾರಿಗೆ ಬೈಕ್ ಡಿಕ್ಕಿ
ಕಾರಿಗೆ ಬೈಕ್ ಡಿಕ್ಕಿಯಾಗಿ ಗಾಯ: ಚಿತ್ತೂರು-ಮುಳ್ಳಿಕಟ್ಟೆ ರಸ್ತೆಯ ಮಹಾಲಿಂಗೇಶ್ವರ ದೇವಳ ಸಮೀಪ ಬೈಕ್ ಅಜಾಗರೂಕತೆ ಯಿಂದ ಕಾರಿಗೆ ಡಿಕ್ಕಿ ಹೊಡೆದ ಪರಿಣಾಮ ಸವಾರ ಮಂಜು ಗಾಯ ಗೊಂಡಿದ್ದಾರೆ. ಗಂಗೊಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಕಾರು ಡಿಕ್ಕಿಯಾಗಿ ಗಾಯ
ರಟ್ಟಾಡಿ ಗ್ರಾಮದ ನಿವಾಸಿ ಶ್ರೀಧರ್ ಅವರು ತನ್ನ ನ್ನ ಪತ್ನಿ, ಮಕ್ಕಳೊಂದಿಗೆ ದೇವಳ ದರ್ಶನ ಮುಗಿಸಿ ತ್ರಾಸಿ ಬೀಚ್ ಬಳಿ ವಾಹನ ನಿಲ್ಲಿಸಿ ರಸ್ತೆ ಅಂಚಿನಲ್ಲಿ ನಿಂತುಕೊಂಡಿರುವ ವೇಳೆ ತ್ರಾಸಿಯಿಂದ ಬೈಂದೂರು ಕಡೆಗೆ ಸಾಗುತ್ತಿದ್ದ ಕಾರು ಡಿಕ್ಕಿ ಹೊಡೆದ ಪರಿ ಣಾಮ ಶ್ರೀಧರ್ ಅವರ ಪುತ್ರಿ ಕಲ್ಪಿತಾ ಗಾಯಗೊಂಡಿದ್ದಾರೆ ಈ ಬಗ್ಗೆ ಗಂಗೊಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
