ಫ್ಯಾಕ್ಟರಿಯ ಸ್ಲಾಬ್‌ನಿಂದ ಬಿದ್ದು ಕಾರ್ಮಿಕ ಸಾವು

ಕುಂದಾಪುರ : ಫ್ಯಾಕ್ಟರಿಯ ಸ್ಲಾಬ್‌ ಮೇಲಿನಿಂದ ಬಿದ್ದು ಕೂಲಿ ಕಾರ್ಮಿಕನೋರ್ವ ಸಾವನ್ನಪ್ಪಿದ ಘಟನೆ  ನಡೆದಿದೆ. ಜಾರ್ಖಂಡ್ ಜಿಲ್ಲೆಯ ಜೋಗಿಂದರ್ ಒರೋನ್ ಸಾವನ್ನಪ್ಪಿದ ಕೂಲಿ ಕಾರ್ಮಿಕ, ಕುಂದಾಪುರ ತಾಲೂಕು ಜಪ್ತಿ ಗ್ರಾಮದ ಫ್ಯಾಕ್ಟರಿಯಲ್ಲಿ ಕೂಲಿ ಕೆಲಸ ಮಾಡಿಕೊಂಡಿದ್ದಜೋಗಿಂದ‌ರ್ ಒರೋನ್ ಕೆಲಸಕ್ಕೆ ರಜೆ ಮಾಡಿ ಅವರ ಜೊತೆಗೆ ಕೆಲಸ ಮಾಡುವ ಶಬ್ಬಿರ್ ಹಾಗೂ ಮುನ್ನಾ ಒರೋನ್ ಎಂಬುವರೊಂದಿಗೆ ತಿರುಗಾಡಲು ಹೋಗಿ ಸಾಯಂಕಾಲ ವಾಪಾಸ್ಸು ಬರುವಾಗ ಮೂವರೂ ಕುಡಿದು ಬಂದಿದ್ದರು. ಜೋಗಿಂದರ್ ಒರೋನ್ ಫ್ಯಾಕ್ಟರಿಯ ಕಟ್ಟಡದ ಸ್ಲಾಬ್ ನ ಮೇಲ್ಗಡೆ ಮೊಬೈಲ್‌ನಲ್ಲಿ ಮಾತನಾಡಿಕೊಂಡಿದ್ದು, ಬೆಳಿಗ್ಗೆ ನೋಡುವಾಗ ಜೋಗಿಂದ‌ರ್ ಒರೋನ್ ಕವಚಿ ಬಿದ್ದಿದ್ದು ತಲೆಗೆ ತೀವ್ರ ಪೆಟ್ಟಾಗಿ ಮೃತ ಪಟ್ಟಿದ್ದಾನೆ. ಕುಂದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.