ಉಡುಪಿ: ಮಲ್ಪೆ ಸಮೀಪದ ನೇಜಾರು ಗ್ರಾಮದಲ್ಲಿ ಒಂದೇ ಕುಟುಂಬದ ತಾಯಿ ಮತ್ತು ಅವರ ಮೂರು ಮಕ್ಕಳನ್ನು ಬರ್ಬರವಾಗಿ ಕೊಲೆ ಮಾಡಿದ ಘಟನೆ ನಡೆದಿದೆ
ಹಸೀನಾ (48ವರ್ಷ) ಮತ್ತು ಅವರ ಮಕ್ಕಳಾದ ಅಫ್ನಾನ್‌ (23ವರ್ಷ) ಅಯ್ನಾಝ್ (21ವರ್ಷ) ಮತ್ತು ಆಸೀಮ್‌ (13ವರ್ಷ) ಕೊಲೆಯಾದವರು ಹಸೀನಾ ಅವರ ಪತಿ ನೂರ್‌ ಮೊಹಮ್ಮದ್ ಸೌದಿಯಲ್ಲಿ ಉದ್ಯೋಗದಲ್ಲಿದ್ದಾರೆ ಭಾನುವಾರ ಬೆಳಿಗ್ಗೆ 8:45 ಸುಮಾರಿಗೆ ಈ ಘಟನೆ ನಡೆದಿದ್ದು ಆಟೋರಿಕ್ಷಾದಲ್ಲಿ ಬಂದಿದ್ದ ಅಪರಿಚಿತ ವ್ಯಕ್ತಿ ಒಬ್ಬ ಚೂರಿಯಿಂದ ಇರಿದು ಈ ರಾಕ್ಷಸಿ ಕೃತ್ಯವನ್ನು ಎಸೆಗಿದ್ದಾನೆ
ಏಕಾಏಕಿ ಮನೆಗೆ ಬಂದ ಅಪರಿಚಿತ ವ್ಯಕ್ತಿ ಹಸಿನಾರೊಂದಿಗೆ ಏರು ಧ್ವನಿಯಲ್ಲಿ ಜಗಳವಾಡಿದ್ದಾನೆ ಆಕೆ ಅಡುಗೆ ಮನೆಗೆ ಹೋದಾಗ ಹಿಂಬಾಲಿಸಿಕೊಂಡು ಹೋಗಿ ಯದ್ವಾ ತದ್ವಾ ಚೂರಿಯಿಂದ ಆಕೆಗೆ ಇರಿದಿದ್ದಾನೆ ತಡೆಯಲು ಬಂದ ಮಕ್ಕಳಾದ ಅಫ್ನಾನ್‌ ಅಯ್ನಾಝ್ ಅವರಿಗೂ ಇರಿದಿದ್ದಾನೆ ಅಲ್ಲಿಯೇ ಇದ್ದ ಹಸೀನಾ ಅವರ ವೃದ್ಧ ಅತ್ತೆಗೂ ಚೂರಿಯಿಂದ ಗಾಯಗೊಳಿಸಿದ್ದಾನೆ ಬೊಬ್ಬೆ ಕೇಳಿ ಹೊರಗೆ ಇದ್ದ ಆಸೀಮ್‌ ಒಳಗೆ ಬಂದಾಗ ಆತನ ಕುತ್ತಿಗೆಗೆ ಚೂರಿಯಿಂದ ಇರಿದು ಹೊರಗೆ ಹೋಗಿದ್ದಾನೆ ಬೊಬ್ಬೆ ಕೇಳಿ ಪಕ್ಕದ ಮನೆಯ ಯುವತಿ ಬಂದಾಗ ಅಕೆಗೂ ಜೀವ ಬೆದರಿಕೆ ಒಡ್ಡಿ ನಡೆದುಕೊಂಡು ಹೊರಗೆ ಹೋಗಿ ಪರಾರಿಯಾಗಿದ್ದಾನೆ
ಸ್ಥಳಕ್ಕೆ ಉಡುಪಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಡಾ.ಅರುಣ್‌ ಭೇಟಿ ನೀಡಿದ್ದು ಆರೋಪಿಯ ಪತ್ತೆಗಾಗಿ 5 ಪೋಲೀಸ್‌ ತಂಡಗಳನ್ನು ರಚಿಸಲಾಗಿದೆ
