ಆರೋಗ್ಯದಿಂದಿರುವೆ ಆತಂಕ ಬೇಡ

ವಾಷಿಂಗ್ಟನ್ : ನಾಸಾ ಗಗನಯಾತ್ರಿ, ಸುನೀತಾ ವಿಲಿಯಮ್ಸ್ ಅವರು ತಮ್ಮ ಆರೋಗ್ಯದ ಬಗೆಗಿನ ಇತ್ತೀಚಿನ ಊಹಾಪೋಹಗಳನ್ನು ತಳ್ಳಿಹಾಕಿದ್ದಾರೆ. ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ(ಐಎಸ್ ಎಸ್) ತಾವು ಚೆನ್ನಾಗಿರು ವುದಾಗಿ ವಿಡಿಯೋ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.

ಇತ್ತೀಚಿನ ಛಾಯಾಚಿತ್ರಗಳ ಆಧಾರದ ಮೇಲೆ, ಬಾಹ್ಯಾಕಾಶ ನಿಲ್ದಾಣದ ಕಮಾಂಡರ್ ಸುನೀತಾ ವಿಲಿಯಮ್ಸ್ ಅವರ ಆರೋಗ್ಯ ಹದಗೆಡುತ್ತಿರಬಹುದು ಎಂದು ಅಂತಾರಾಷ್ಟ್ರೀಯ ಮಾಧ್ಯಮಗಳು ಕಳವಳ ವ್ಯಕ್ತಪಡಿಸಿದ್ದವು.

ತಾನು ಇಲ್ಲಿಗೆ ಬಂದಾಗ ಇದ್ದಷ್ಟೇ ತೂಕವನ್ನು ಈಗಲೂ ಹೊಂದಿದ್ದೇನೆ ಎಂದು ಹೇಳಿದ ಸುನೀತಾ, ಸ್ನಾಯು ಮತ್ತು ಮೂಳೆಯ ಸಾಂದ್ರತೆಯ ಮೇಲೆ ಸೂಕ್ಷ್ಮ ಗುರುತ್ವಾಕರ್ಷಣೆಯ ಪರಿಣಾಮಗಳನ್ನು ಎದುರಿಸಲು ಗಗನಯಾತ್ರಿಗಳು ಅನುಸರಿಸುವ ಕಠಿಣ ವ್ಯಾಯಾಮದಿಂದಾಗಿ ತನ್ನ ದೈಹಿಕ ನೋಟ ಬದಲಾಗಿದೆ ಎಂದು ವಿವರಿಸಿದರು