ಆಮಂತ್ರಣ ಪತ್ರಿಕೆಯ ಪೂಜೆ

ಕುಂಭಾಸಿ : ಕುಂಭಾಸಿ ಆನೆಗುಡ್ಡೆ ಶ್ರೀ ವಿನಾಯಕ ದೇವಸ್ಥಾನದಲ್ಲಿ ದಿನಾಂಕ 16/12/2023’ರಂದು ನಡೆಯುವ ಬ್ರಹ್ಮರಥೋತ್ಸವದ ಆಹ್ವಾನ ಪತ್ರಿಕೆಯ ಪೂಜೆಯು ಪರ್ಯಾಯ ಅರ್ಚಕ ಶ್ರೀ ಕೆ. ಶ್ರೀಶ ಉಪಾಧ್ಯಾಯರಿಂದ ನೆರವೇರಿತು.ಈ ಸಂದರ್ಭದಲ್ಲಿ ಆಡಳಿತ ಮೊಕ್ತೇಸರ ಶ್ರೀ ಕೆ.ಶ್ರೀರಮಣ ಉಪಾಧ್ಯಾಯ, ಮೊಕ್ತೇಸರರಾದ ಶ್ರೀ ಕೆ ನಿರಂಜನ ಉಪಾಧ್ಯಾಯ, ಶ್ರೀ ಕೆ  ವಿಠಲ ಉಪಾಧ್ಯಾಯ ಹಾಗೂ ಮಾಜಿ ಆಡಳಿತ ಮೊಕ್ತೇಸರ ಶ್ರೀ ಕೆ ಸೂರ್ಯನಾರಾಯಣ ಉಪಾಧ್ಯಾಯರವರು ಉಪಸ್ಥಿತರಿದ್ದರು.

ಶ್ರೀ ರಮಣ ಉಪಾಧ್ಯಾಯರು ಮುಂದೆ ನಡೆಯುವ ಬ್ರಹ್ಮ ರಥೋತ್ಸವವು ನಿರ್ವಿಘ್ನವಾಗಿ ನಡೆದು ಗಣಪತಿಯ ಸರ್ವಾನುಗ್ರಹ ಆಗಿ ಭಕ್ತರೆಲ್ಲರಿಗೂ ಉತ್ತರೋತ್ತರ ಶ್ರೇಯಸ್ಸಾಗಲಿ ಎಂದು ಹಾರೈಸಿದರು.ಪರ್ಯಾಯ ಅರ್ಚಕರಾದ ಶ್ರೀ ಕೆ. ಶ್ರೀಷ ಉಪಾಧ್ಯಾಯರು ಬ್ರಹ್ಮ ರಥೋತ್ಸವದಲ್ಲಿ ಭಕ್ತರೆಲ್ಲರೂ ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡು ಶ್ರೀ ದೇವರ ಪ್ರಸಾದ ಸ್ವೀಕರಿಸಿ ಕೃತಾರ್ಥರಾಗಬೇಕೆಂದು ಕೋರಿದ್ದಾರೆ