ಆನೆಗುಡ್ಡೆ : ದಿನಾಂಕ 15/02/2024 ರಿಂದ ದಿನಾಂಕ 21/02/2024 ರ ತನಕ ಸೋದೆ ವಾದಿರಾಜ ಮಠ ಹೂವಿನಕೆಯಲ್ಲಿ ಭಾವೀ ಸಮೀರ ಶ್ರೀ ವಾದಿರಾಜರ ನೂತನ ಪ್ರಾಸಾದ ಸಮರ್ಪಣೋತ್ಸವ ಹಾಗೂ ಬ್ರಹ್ಮಕಲಶೋತ್ಸವ ನಡೆಯಲಿದ್ದು ಆ ಪ್ರಯುಕ್ತ ದಿನಾಂಕ 11/02/2024 ಭಾನುವಾರದಂದು ವಿಘ್ನ ನಿವಾರಕ ಆನೆಗುಡ್ಡೆ ಶ್ರೀ ವಿನಾಯಕ ದೇವರಿಗೆ ವೇದಮೂರ್ತಿ ಹೂವಿನಕೆ ಶ್ರೀ ವಾದಿರಾಜ ಭಟ್ಟರ ನೇತೃತ್ವದಲ್ಲಿ ಪೂರ್ವಭಾವಿ ವಿಶೇಷ ಪ್ರಾರ್ಥನೆ ಹಾಗೂ ಪೂಜೆ ನೆರವೇರಿತು.
ಶ್ರೀ ಮಠಕ್ಕೂ ಹಾಗೂ ಆನೆಗುಡ್ಡೆ ದೇಗುಲಗಕ್ಕೂ ಅವಿನಾಭಾವ ಸಂಬಂಧವಿದ್ದು ಹಾಗೂ ಮುಂದೆ ನಡೆಯುವ ಎಲ್ಲಾ ಕಾರ್ಯಕ್ರಮಗಳೂ ನಿರ್ವಿಘ್ನವಾಗಿ ನಡೆದು ಲೋಕ ಕಲ್ಯಾಣವಾಗಲಿ ಎಂದು ಆಶೀರ್ವಚನ ನೀಡಿದರು.
ಈ ಸಂದರ್ಭದಲ್ಲಿ ಹೂವಿಕೆರೆ ಮಠದ ಪದಾದಿಕಾರಿಗಳಾದ ಬಡಾಕೆರೆ ರಾಮಚಂದ್ರ ವರ್ಣ, ಗೋಪಾಡಿ ಶ್ರೀನಿವಾಸ ಹತ್ವಾರ, ಕೊರವಡಿ ಕೃಷ್ಣಮೂರ್ತಿ ಹತ್ವಾರ, ಆಡಳಿತ ಧರ್ಮದರ್ಶಿ ಕೆ ಶ್ರೀರಮಣ ಉಪಾಧ್ಯಾಯ, ಕೆ ನಿರಂಜನ ಉಪಾಧ್ಯಾಯ, ಕೆ ವಿಠಲ ಉಪಾಧ್ಯಾಯ, ವಿಶ್ರಾಂತ ಧರ್ಮದರ್ಶಿ ಕೆ ಸೂರ್ಯನಾರಾಯಣ ಉಪಾಧ್ಯಾಯ, ಪರ್ಯಾಯ ಅರ್ಚಕ ಕೆ ಶ್ರೀಷ ಉಪಾಧ್ಯಾಯ ಮತ್ತು ಉಪಾಧ್ಯಾಯ ಬಂಧುಗಳು ಹಾಗೂ ಭಕ್ತ ವೃಂದದವರು ಉಪಸ್ತಿತರಿದ್ದರು
