ಕೋಟ : ಸಾರ್ವಜನಿಕ ಗಣೇಶೋತ್ಸವ ಸಮಿತಿ ಮಾಬುಕಳ 15ನೇ ವರ್ಷದ ಗಣೇಶ ಉತ್ಸವವನ್ನು ಮೂರು ದಿನಗಳ ಪರ್ಯಂತ ಧೂಳಂಗಡಿ ಶಾಲಾ ಮೈದಾನದಲ್ಲಿ ಆಚರಿಸಿತು.ಧಾರ್ಮಿಕ ಸಭೆಯಲ್ಲಿ ಸಮಿತಿಯ ಅಧ್ಯಕ್ಷ ಆನಂದ ಗಾಣಿಗ ಅಧ್ಯಕ್ಷತೆ ವಹಿಸಿದ್ದರು.ವಿದ್ವಾನ್ ಹೆರ್ಗ ಹರಿಪ್ರಸಾದ ಭಟ್ಟ ಧಾರ್ಮಿಕ ಪ್ರವಚನ ಮಾಡಿದರು.ಸಮಿತಿಯ ಗೌರವ ಸಲಹೆಗಾರರಾದ ಶಿವರಾಮ ಶ್ರೀಯಾನ್ ಸಭೆಯನ್ನುದ್ದೇಶಿಸಿ ಮಾತನಾಡಿದರು.ಈ ಸಂಧರ್ಭದಲ್ಲಿ ಹಿರಿಯ ನಿವೃತ್ತ ಮುಖ್ಯೋಪಾಧ್ಯಾಯರಾದ ರಾಮದೇವಹಂದೆ ಹಾಗೂ ಐರೋಡಿ ,ಬಾಳ್ಕುದ್ರು ದುರ್ಗಾಪರಮೇಶ್ವರಿ ದೇವಸ್ಥಾನದ ಆಡಳಿತ ಮೊಕ್ತೇಸರರಾದ ಕೃಷ್ಣಪ್ಪ ಬೆನ್ನು ಇವರುಗಳನ್ನು ಸನ್ಮಾನಿಸಲಾಯಿತು.ಸ್ಥಳೀಯ ಎಸ್‍ಎಸ್‍ಎಲ್‍ಸಿ ಮತ್ತು ಪಿ.ಯು.ಸಿ. ಯಲ್ಲಿ ಅತ್ಯಧಿಕ ಅಂಕ ಪಡೆದ ವಿಧ್ಯಾರ್ಥಿಗಳನ್ನು ಪುರಸ್ಕಾರಿಸಲಾಯಿತು.
ಸಭೆಯಲ್ಲಿ ದೂಳಂಗಡಿ ಶಾಲಾ ಎಸ್. ಡಿಎಮ್.ಸಿ ಅಧ್ಯಕ್ಷೆ ರೇಖಾ ಉಡುಪ ಉಪಸ್ಥಿತರಿದ್ದರು. ಸಮಿತಿಯ ಗೌರವಾಧ್ಯಕ್ಷ ಶ್ರೀಪತಿ ಅಧಿಕಾರಿ ಸ್ವಾಗತಿಸಿ ಪ್ರಾಸ್ತಾವಿಕ ಮಾತನಾಡಿದರು. ಬಹುಮಾನದ ಪಟ್ಟಿಯನ್ನು ಸಮಿತಿಯ ಉಪಾಧ್ಯಕ್ಷ ಉಮೇಶ ಕುಂದರ ವಾಚಿಸಿದರು. ಸನ್ಮಾನ ಪತ್ರವನ್ನು ಆನಂದ ಗಾಣಿಗ ಎಲ್.ಐ. ಸಿ.ಮತ್ತು ಹರೀಶ ಮೈಯ್ಯ
ವಾಚಿಸಿದರು.ಖಜಾಂಚಿಯಾದ ಶೇಖರ ಮೆಂಡನ್ ವಂದನಾರ್ಪಣೆ ಮಾಡಿದರು.
