ಕೊಲ್ಲೂರಿನಲ್ಲಿ ವರಮಹಾಲಕ್ಷ್ಮೀ ಪೂಜೆ

ಬೈಂದೂರು : ಕೊಲ್ಲೂರು ಶ್ರೀಮೂಕಾಂಬಿಕಾ ದೇವಳದಲ್ಲಿ ಶ್ರೀ ವರಲಕ್ಷ್ಮೀ ಹಬ್ಬದ ಪ್ರಯುಕ್ತ ಅರಿಶಿನ- ಕುಂಕುಮ ಮತ್ತು ಗಾಜಿನ ಬಳೆ ಪ್ರಸಾದ ವಿತರಣೆ ಕಾರ್ಯಕ್ರಮ ನಡೆಯಿತು.ಕುಂದಾಪುರ ಸಹಾಯಕ ಕಮಿಷನರ್ ಮಹೇಶ್ಚಂದ್ರ, ದೇವಳದ ಕಾರ್ಯ ನಿರ್ವಹಣಾಧಿಕಾರಿ ಪ್ರಶಾಂತ ಶೆಟ್ಟಿ ದೇವಳದ ಸಿಬ್ಬಂದಿಗಳಾದ ಜಯ ಕುಮಾರ್, ಗಣೇಶ್ ಉಡುಪ ಮತ್ತಿತರರು ಉಪಸ್ಥಿತರಿದ್ದರು.ಧಾರ್ಮಿಕ ದತ್ತಿ ಆಯುಕ್ತರ ಸುತ್ತೋಲೆಯಂತೆ ನಾಡಿನ ಸಮಸ್ತ ಮಹಿಳೆಯರನ್ನು ಗೌರವಿಸುವ ಸಲುವಾಗಿ ದೇವಾಲಯದ ವತಿಯಿಂದ ಶ್ರೀ ವರಲಕ್ಷ್ಮೀ ವ್ರತದ ದಿನದಂದು ಕಸ್ತೂರಿ ಅರಿಶಿನ- ಕುಂಕುಮ ಮತ್ತು ಗಾಜಿನ ಬಳೆಗಳನ್ನು ಗೌರವ ಸೂಚಕವಾಗಿ ಪ್ರಸಾದ ರೂಪದಲ್ಲಿ ಮಹಿಳೆಯರಿಗೆ ನೀಡಲಾಯಿತು.