ಭಾವಿ ಪರ್ಯಾಯ ಪುತ್ತಿಗೆಹಿರಿಯ ಮಠಾಧೀಶ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದರ ಜನ್ಮ ನಕ್ಷತ್ರೋತ್ಸವ ಈ ತಿಂಗಳ ಸೆಪ್ಟೆಂಬರ್ 20ರ ಬುಧವಾರದಂದು ನಡೆಯಲಿದೆ. ತನ್ನಿಮಿತ್ತ ಅಂದು ಸಂಜೆ 4 ರಿಂದ 6 ಗಂಟೆವರೆಗೆ ಶ್ರೀ ಶ್ರೀ ಸೋಸಲೆ ವ್ಯಾಸರಾಜ ಮಠದ ಶ್ರೀ ವಿದ್ಯಾಶ್ರೀ ತೀರ್ಥ ಶ್ರೀಪಾದರ ಅಧ್ಯಕ್ಷತೆಯಲ್ಲಿ ತಮೋವಾದ ಕುರಿತ ವಿದ್ವತ್ಗೋಷ್ಠಿ ನಡೆಯಲಿದೆ.
ಪುತ್ತಿಗೆ ಮಠದ ಶ್ರೀಸುಗುಣೇಂದ್ರ ತೀರ್ಥ ಶ್ರೀಪಾದರ ಉಪಸ್ಥಿತಿಯಲ್ಲಿ ನಡೆಯಲಿರುವ ಗೋಷ್ಠಿಯ ನಿರ್ವಾಹಕ ಅಧ್ಯಕ್ಷರಾಗಿ *ಅದ್ಯಪಾಡಿ ಹರಿದಾಸ ಭಟ್, ನಿರ್ವಾಹಕರಾಗಿ ಆಚಾರ್ಯ ವೀರನಾರಾಯಣ ಪಾಂಡುರಂಗಿ ಪಾಲ್ಗೊಳ್ಳುವರು. ಸಂಜೆ ಶ್ರೀ ಕೃಷ್ಣ ಸುಗುಣ ಗಾನಾಮೃತ ಕಾರ್ಯಕ್ರಮವನ್ನು ರಾಯಚೂರು ಶೇಷಗಿರಿ ದಾಸ್ ಹಾಗೂ ಅನಂತ ಕುಲಕರ್ಣಿ ನಡೆಸಿಕೊಡುತ್ತಾರೆ.ಬೆಳಗ್ಗೆ 10 ರಿಂದ ದಾಸನಮನ ಸಂಘದಿಂದ ಶತಕಂಠ ಗಾಯನ ನಡೆಸಿಕೊಡಲಿದೆ.ಉಪಾಧ್ಯ ಪ್ರತಿಷ್ಠಾನ ಮತ್ತು ಉಪಾಧ್ಯ ಆಯುರ್ವೇದ ಹೆಲ್ತ್ ಕೇರ್ ವತಿಯಿಂದ ಉಚಿತ ಆಯುರ್ವೇದ ಚಿಕಿತ್ಸಾ ಶಿಬಿರ ಬೆಳಿಗ್ಗೆ 9.30 ರಿಂದ 1:30ರ ತನಕ ನುರಿತ ವೈದ್ಯರ ಉಪಸ್ಥಿತಿಯಲ್ಲಿ ನಡೆಯಲಿದೆ , ಸರ್ವರಿಗೂ ಸುಸ್ವಾಗತವಿದೆ ಎಂದು ಶ್ರೀಮಠದ ಪ್ರಕಟಣೆ ತಿಳಿಸಿದೆ
