ಕುಂದಾಪುರ : ಬಸ್ರೂರು ವ್ಯವಸಾಯ ಸೇವಾ ಸಹಕಾರಿ ಸಂಘದ ಅಧ್ಯಕ್ಷರಾದ ಗೋಪಾಲ ಪೂಜಾರಿಯವರ ಸರಳ ಸಜ್ಜನಿಕೆಯ ಸಮಾಜಮುಖಿ ಜೀವನವು ನಮಗೆಲ್ಲರಿಗೂ ಆದರ್ಶಪ್ರಾಯವಾಗಿದ್ದು ಸಮಾಜ ಸಂಸ್ಕೃತಿ ಮತ್ತು ಸಹಕಾರಿ ಕ್ಷೇತ್ರದಲ್ಲಿನ ಅವರ ಬದುಕು ಇತರರಿಗೆ ಮಾದರಿಯಾಗಿದೆ ಎಂದು ಬಸ್ರೂರು ವ್ಯವಸಾಯ ಸೇವಾ ಸಹಕಾರಿ ಸಂಘದ ಉಪಾಧ್ಯಕ್ಷರಾದ ವಿಕಾಸ್‌ ಹೆಗ್ಡೆಯವರು ನುಡಿದರು
ಅವರು ಬಸ್ರೂರು ವ್ಯವಸಾಯ ಸೇವಾ ಸಹಕಾರಿ ಸಂಘದಲ್ಲಿ ಎರ್ಪಡಿಸಿದ ಗೋಪಾಲ್ ಪೂಜಾರಿಯವರ ಸಂತಾಪ ಸಭೆಯಲ್ಲಿ ಭಾಗವಹಿಸಿ ಮಾತನಾಡಿ ಶ್ರಮಜೀವಿಯಾದ ಗೋಪಾಲ ಪೂಜಾರಿಯವರ ಕೃಷಿ ಮತ್ತು ಹೈನುಗಾರಿಕೆಯಲ್ಲಿ ಅಪ್ರತಿಮ ಸಾಧನೆ ಮಾಡಿದ್ದಾರೆ ಎಂದರು ಅವರ ಅನುಪಮಾ ಆದರ್ಶಗಳ ಪಾಲನೆಯು ನಮ್ಮೆಲ್ಲರ ಕರ್ತವ್ಯವಾಗಬೇಕು ಎಂದು ನುಡಿದರು
ಶ್ರಧ್ಧಾಂಜಲಿ ಸಭೆಯಲ್ಲಿ ಸೊಸೈಟಿಯ ಮುಖ್ಯ ಕಾರ್ಯನಿರ್ವಣಾಧಿಕಾರಿಗಳಾದ ಶ್ರೀಮತಿ ಸಬಿತ ಮತ್ತು ನಿರ್ದೇಶಕರುಗಳಾದ ಎಸ್ ಶೀನ ಪೂಜಾರಿ ಗೋಪಾಲ ಶೆಟ್ಟಿಗಾರ ಕೆ ಮಹಾಲಿಂಗ ಕೆ ಗುಣಕರ ಶೆಟ್ಟಿ ಶ್ರೀಮತಿ ಜಯಖಾರ್ವಿ ಶ್ರೀ ಸಂಜೀವ ಪೂಜಾರಿ ಶ್ರೀಮತಿ ಸೀಮಾ ಮೊಗವೀರ ಕೃಷ್ಣ ಪೂಜಾರಿ ರಾಘವೇಂದ್ರ ಗಾಣಿಗ ಸಂದೀಪ್ ಶೆಟ್ಟಿ ಹಾಗೂ ಸಿಬ್ಬಂದಿ ವರ್ಗದವರು ಉಪಸ್ಥಿತರಿದ್ದರು ಗೋಪಾಲ ಪೂಜಾರಿಯವರ ಭಾವಚಿತ್ರಕ್ಕೆ ಪುಷ್ಪಾರ್ಚನೆಗೈದು ಮೌನ ಪ್ರಾರ್ಥನೆ ಸಲ್ಲಿಸಲಾಯಿತು
