ಉಡುಪಿ : ಕಾಪು ತಾಲ್ಲೂಕು ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷರಾಗಿ ಆಯ್ಕೆಯಾದ “ಹರೀಶ್ ಹೆಜಮಾಡಿ ಇವರಿಗೆ ಹುಟ್ಟೂರು ಸನ್ಮಾನ ಸಮಾರಂಭ” ಹರೀಶ್ ಹೆಜಮಾಡಿ ಹುಟ್ಟೂರು ಸನ್ಮಾನ ಸಮಿತಿ ಹೆಜಮಾಡಿ ಇವರ ಸಹಯೋಗದಲ್ಲಿ ಹೆಜಮಾಡಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ನೆರವೇರಿತು. ಸಮಾರಂಭದಲ್ಲಿ ಶಾಸಕರಾದ ಗುರ್ಮೆ ಸುರೇಶ್ ಶೆಟ್ಟಿ ಅವರು ಭಾಗವಹಿಸಿ ಹರೀಶ್ ಹೆಜಮಾಡಿ ಅವರನ್ನು ಸನ್ಮಾನಿಸಿದರು.
ಈ ಸಂದರ್ಭದಲ್ಲಿ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ಕಟೀಲು ಅನುವಂಶಿಯ ಪ್ರಧಾನ ಅರ್ಚಕರಾದ ಕಮಲ ದೇವಿ ಪ್ರಸಾದ ಅಸ್ರಣ್ಣ, ಹೆಜಮಾಡಿ ಕನ್ನಂಗಾರ್ ಖತೀಬರು ಜಮ್ಮಾ ಮಸ್ಜಿದ್ ಜಬಾಬ್ ಆಶ್ರಫ್ ಸಖಾಫಿ ಕಿನ್ಯ, ಮುಲ್ಕಿ ಕರ್ನಾಡು ಅಮಲೋದ್ಯಮ ಮಾತಾ ಚರ್ಚ್ ಧರ್ಮಗುರುಗಳಾದ ಸಿಲ್ವೆಸ್ಟರ್ ಡಿ. ಕೋಸ್ತ, ಹೆಜಮಾಡಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಆಡಳಿತ ಮೊಕ್ತೇಸರರಾದ ದಯಾನಂದ ಹೆಜಮಾಡಿ, ಅಲ್-ಅಜ್ ಹರ್ ಆಂಗ್ಲ ಮಾಧ್ಯಮ ಶಾಲೆ ಸಂಚಾಲಕರಾದ ಹಾಜಿ ಶೇಖಬ್ಬ ಕೋಟೆ, ಹೆಜಮಾಡಿ ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ರೇಶ್ಮಾ ಎ ಮೆಂಡನ್, ಉಪಾಧ್ಯಕ್ಷರಾದ ಮೋಹನ್ ಸುವರ್ಣ, ಹೆಜಮಾಡಿ ಗ್ರಾಮ ಪಂಚಾಯತ್ ನಿಕಟ ಪೂರ್ವ ಅಧ್ಯಕ್ಷರು, ಸದಸ್ಯರಾದ ಪಾಂಡುರಂಗ ಸಿ ಕರ್ಕೇರ, ಜಿಲ್ಲಾ ಪಂಚಾಯತ್ ಮಾಜಿ ಸದಸ್ಯರು ಸನ್ಮಾನ ಸಮಿತಿಯ ಅಧ್ಯಕ್ಷರಾದ ಪೌಲ್ ರೋಲ್ಪಿ ಡಿ ಕೋಸ್ತ ಉಪಸ್ಥಿತರಿದ್ದರು.
