ಸೌತಡ್ಕ ಮಹಾಗಣಪತಿ ದೇವಸ್ಥಾನವು ಅತ್ಯಂತ ಪುರಾತನ ಮತ್ತು ವಿಶಿಷ್ಟ ಶೈಲಿಯ ದೇವಸ್ಥಾನಗಳೆಲ್ಲೊಂದು. ಈ ದೇವಸ್ಥಾನಕ್ಕೆ 800 ವರ್ಷಗಳ ಹಿಂದಿನ ಇತಿಹಾಸವಿದೆ. ಇದು ಬೇರೆ ಎಲ್ಲಾ ಗಣಪತಿ ದೇವಸ್ಥಾನಗಳಿಗಿಂತ ವಿಭಿನ್ನ ಶೈಲಿಯಲ್ಲಿ ಇರುವಂತಹ ತೆರೆದ ಜಾಗದಲ್ಲಿ ಇರುವ ಗಣಪತಿ ದೇವಸ್ಥಾನ ಎಂದರೆ ತಪ್ಪಾಗಲಾರದು ಗಣಪತಿ ಎಂದರೆ ವಿಘ್ನ ವಿನಾಶಕ ಪ್ರತಿಯೊಂದು ಒಳ್ಳೆಯ ಕೆಲಸ ಶುರು ಮಾಡಬೇಕಾದರೂ ಕೂಡ ಗಣಪತಿಯ ಪೂಜೆ ಮಾಡುವುದು ಸಂಪ್ರದಾಯ. ಸೌತಡ್ಕ ಗಣಪತಿ ದೇವಸ್ಥಾನ ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿ ತಾಲೂಕಿನ ಕೊಕ್ಕಡ ಗ್ರಾಮದಿಂದ ಸುಮಾರು 3 ಕಿ.ಮೀ ದೂರದಲ್ಲಿದೆ ತೆರೆದ ಬಯಲು ಪ್ರದೇಶದಲ್ಲಿರುವ ಈ ಗಣಪತಿ ಭಕ್ತರ ಪಾಲಿನ ಆರಾಧ್ಯ ದೈವ ಧರ್ಮಸ್ಥಳದಿಂದ ಕೂಡ ಸುಮಾರು ಹದಿನಾರು ಕಿಲೋಮೀಟರ್ ದೂರದಲ್ಲಿರುವ ಈ ಕ್ಷೇತ್ರ ಭಕ್ತರ ಪಾಲಿನ ಧಾರ್ಮಿಕ ಕ್ಷೇತ್ರ ಎಂದು ಹೇಳಬಹುದು
ಪ್ರಶಾಂತವಾದಂತಹ ಪರಿಸರದಲ್ಲಿರುವ ಈ ಗಣಪತಿ ದೇವಸ್ಥಾನ ಭಕ್ತರಿಗೆ ಪ್ರಾರ್ಥನೆಗಳನ್ನು ಮಾಡಲು ಕೂಡ ಅತ್ಯಂತ ಶ್ರೇಷ್ಠವಾದಂತಹ ಸ್ಥಳ ಎಂದು ಪ್ರಸಿದ್ಧಿ ಪಡೆದಿದೆ . ಸೌತಡ್ಕ ದೇವಸ್ಥಾನದ ಸುತ್ತಲೂ ಅನೇಕ ಗಂಟೆಗಳಿಂದ ಗಣೇಶನನ್ನು ಅಲಂಕರಿಸಲಾಗಿದೆ ಭಕ್ತರ ಮನೋಕಾಮನೆಗಳು ಸಿದ್ಧಿಸಿದ ನಂತರ ಭಕ್ತರು ಗಂಟೆಗಳನ್ನು ತಂದು ಗಣೇಶನಿಗೆ ಅರ್ಪಿಸುತ್ತಾರೆ . ಹೀಗೆ ಅರ್ಪಿಸಿದ ಅನೇಕ ಗಂಟೆಗಳು ದೇವಸ್ಥಾನದ ಸುತ್ತ ನಾವು ಕಾಣಬಹುದು ಸ್ಥಳ ಪುರಾಣದ ಪ್ರಕಾರ ರಾಜಮನೆತನದವರು ಪೂಜಿಸುತ್ತಿದ್ದ ಗಣಪತಿ ವಿಗ್ರಹ ಶತ್ರುಗಳ ದಾಳಿಗೆ ಸಿಕ್ಕಿಕೊಂಡಾಗ ದೇವಾಲಯದಲ್ಲಿದ್ದ ಸುಂದರವಾದ ಗಣಪತಿ ವಿಗ್ರಹವನ್ನು ಸೌತೆಕಾಯಿ ಹೇರಳವಾಗಿ ಬೆಳೆಯುವಂತಹ ಸ್ಥಳದಲ್ಲಿ ಪ್ರತಿಷ್ಠಾಪಿಸಿದರಂತೆ. ಅದಕ್ಕಾಗಿಯೇ ಈ ಪ್ರದೇಶಕ್ಕೆ ಸೌತಡ್ಕ ಎಂಬ ಹೆಸರು ಬಂದಿದೆ
ಸೌತಡ್ಕದಲ್ಲಿ ಗಣಪತಿ ಪ್ರತಿಷ್ಠಾಪನೆ ಮಾಡಿದ ನಂತರ ಅಲ್ಲಿನ ರೈತರು ಹೇರಳವಾಗಿ ತಾವು ಬೆಳೆದಂಥ ಸೌತೆಕಾಯಿಯನ್ನು ಗಣಪತಿಗೆ ತಂದು ಅರ್ಪಿಸಿದರೆಂದು ಹೇಳಲಾಗುತ್ತದೆ ಇಲ್ಲಿಯ ಸ್ಥಳ ಪುರಾಣದ ಪ್ರಕಾರ ಗಣಪತಿಯೇ ಕನಸಿನಲ್ಲಿ ಬಂದು ತನ್ನ ದೇವಾಲಯಕ್ಕೆ ಗರ್ಭಗುಡಿ ಕಟ್ಟಬಾರದೆಂದು ಹೇಳಿದನು ದೇವಾಲಯದ ಪಕ್ಕದಲ್ಲಿ ಒಂದು ಸುಂದರವಾದಂತಹ ಗೋಶಾಲೆ ಇದೆ ಪುರಾತನವಾದ ಮರದ ಬುಡದಲ್ಲಿ ಪ್ರತಿಷ್ಠಾಪಿಸಿರುವ ಗಣಪತಿ ವಿಗ್ರಹ ಅದ್ಭುತವಾದಂತಹ ಶಿಲ್ಪಕಲೆಯಿಂದ ಕೂಡಿದೆ. ಹೊಳೆಯುವ ಕಮಾನು ಕಪ್ಪು ಕಲ್ಲಿನ ಸುಂದರವಾದ ವಿಗ್ರಹವನ್ನು ಸುತ್ತುವರಿದಿದೆ ಏನೇ ಇರಲಿ ಸೌತಡ್ಕ ಗಣಪತಿ ದೇವಸ್ಥಾನವು ಇತರ ಗಣಪತಿ ದೇವಸ್ಥಾನಗಳಿಗಿಂತ ಅತ್ಯಂತ ವಿಭಿನ್ನ ಮತ್ತು ಭಕ್ತರ ಮನೋಕಾಮನೆಗಳನ್ನು ಸಿದ್ಧಿಸುವ ವಿಶಿಷ್ಟ ಗಣಪತಿ ದೇವಸ್ಥಾನವಾಗಿದೆ
ಪ್ರದೀಪ್‌ ಚಿನ್ಮಯಿ ಆಸ್ಪತ್ರೆ ಕುಂದಾಪುರ
