ಕಾರ್ಕಳ : ನಗರದ ಪೊಲೀಸ್ ಠಾಣೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಶೃತಿನ್‌ ಶೆಟ್ಟಿ (35 ವರ್ಷ) ಯವರು ನಿಗೂಢವಾಗಿ ಕಾಣೆಯಾಗಿರುವ ಕುರಿತು ಅವರ ಪತ್ನಿ ಪೂಜಾ ಶೆಟ್ಟಿಯವರು ಪಡುಬಿದ್ರಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ ಶೃತಿನ್‌ ಶೆಟ್ಟಿಯವರು ಕಾಪು ಜನಾರ್ದನ ದೇವಸ್ಥಾನದ ಬಳಿ ಇರುವ ಅಂಗಡಿಮನೆಯ ನಿವಾಸಿಯಾಗಿದ್ದಾರೆ
ಗುರುವಾರ ರಾತ್ರಿ 7.30 ಕ್ಕೆ ತನ್ನ ಪತ್ನಿಗೆ ಫೋನ್ ಮಾಡಿದ ಶೃತಿನ್‌ ಶೆಟ್ಟಿ ನಾನು ನಂದಿಕೂರಿನಲ್ಲಿದ್ದು ಮನೆಗೆ ಬರುವುದಾಗಿ ತಿಳಿಸಿದ್ದರು ನಂತರ ಅವರ ಫೋನ್ ಸ್ವಿಚ್ ಆಫ್ ಆಗಿತ್ತು ರಾತ್ರಿ ಇಡೀ ಮನೆಗೆ ಬಾರದಿರುವ ಹಿನ್ನಲೆಯಲ್ಲಿ ಆತಂಕಗೊಂಡ ಅವರ ಪತ್ನಿ ಪಡುಬಿದ್ರಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ
ಶೃತಿನ್‌ ಶೆಟ್ಟಿಯವರು 2008ರಲ್ಲಿ ಪೊಲೀಸ್ ಇಲಾಖೆಗೆ ಸೇರ್ಪಡೆಯಾಗಿದ್ದು ಕೆಲವು ತಿಂಗಳ ಹಿಂದೆ ಅಷ್ಟೇ ಪಡುಬಿದ್ರಿ ಠಾಣೆಯಿಂದ ಅವರು ಕಾರ್ಕಳ ನಗರ ಪೊಲೀಸ್ ಠಾಣೆಗೆ ಹೆಡ್ ಕಾನ್ಸ್ಟೇಬಲ್ ಆಗಿ ಭಡ್ತಿ ಹೊಂದಿ ವರ್ಗಾವಣೆ ಯಾಗಿದ್ದರು ಅಕ್ಟೋಬರ್ 17ರಂದು ಕರ್ತವ್ಯಕ್ಕೆ ಹಾಜರಾಗಿದ್ದ ಅವರು ಅಕ್ಟೋಬರ್ 18ಕ್ಕೆ ವಾರದ ರಜೆ ಇತ್ತು 19ರಂದು ಸಿಎಲ್ ರಜೆ ಪಡೆದಿದ್ದ ಶೃತಿನ್‌ ಶೆಟ್ಟಿಯವರು ಬಳಿಕ ನಾಪತ್ತೆಯಾಗಿದ್ದರು
