ತೆಕ್ಕಟ್ಟೆ : ಸೇವಾ ಸಂಗಮ ವಿದ್ಯಾ ಕೇಂದ್ರ ವಿದ್ಯಾ ಗಿರಿ ತೆಕ್ಕಟ್ಟೆ ಶಾಲೆಯಲ್ಲಿ ಪಾಲಕರ ಮಿಲನದೊಂದಿಗೆ ಕನಕದಾಸ ಜಯಂತಿ ಆಚರಣೆ ನಡೆಸಲಾಯಿತು. ಹಾಗೂ ಶಾಲೆಯ ಆಡಳಿತ ಮಂಡಳಿಯನ್ನು ನವೀಕರಿಸಲಾಯಿತು.
ಈಗಿನ ಆಡಳಿತ ಮಂಡಳಿಯ ಗೌರವ ಅಧ್ಯಕ್ಷರಾಗಿ ಶ್ರೀಯುತ ಸಂಜೀವ ಅಧ್ಯಕ್ಷರಾಗಿ ಶ್ರೀಯುತ ಸುರೇಶ್ ಬೆಟ್ಟಿನ್ ಕಾರ್ಯದರ್ಶಿಗಳಾಗಿ ಶ್ರೀಯುತ ಕಮಲಾಕ್ಷ ಪೈ, ಉಪಾಧ್ಯಕ್ಷರಾಗಿ ಶ್ರೀಯುತ ಚಂದ್ರಶೇಖರ್ ಪಡಿಯಾರ್, ಶ್ರೀಯುತ ಡಾ. ಯಜ್ಞೇಶ್. ಎನ್.ಶರ್ಮ ಮತ್ತು ಶ್ರೀಯುತ ಅನಂತ್ ನಾಯಕ್ ತೆಕ್ಕಟ್ಟೆ, ಕೋಶಾಧಿಕಾರಿಯಾಗಿ ಶ್ರೀ ಸುಹಾಸ್ ಪೈ ಕೊಟೇಶ್ವರ, ಸಹ ಕಾರ್ಯದರ್ಶಿಗಳಾಗಿ ಶ್ರೀ ಅನಂತ ಕೊಟೇಶ್ವರ ಮತ್ತು ಶ್ರೀ ಸುರೇಶ ಆಚಾರ್ ರವರನ್ನು ಸೇರ್ಪಡೆ ಮಾಡಲಾಯಿತು. ಹಿಂದಿನ ಆಡಳಿತ ಮಂಡಳಿಯ ಸಂಚಾಲಕರಾದ ಶ್ರೀಯುತ ರಮೇಶ್ ನಾಯಕ್ ರವರು ಶಾಲೆ ನಡೆದು ಬಂದ ದಾರಿಯನ್ನು ಸ್ಮರಿಸಿ ಮುಂದಿನ ಆಡಳಿತ ಮಂಡಳಿಗೆ ಶುಭ ಹಾರೈಸಿದರು ಶ್ರೀಮತಿ ವಿನಯ. ಎಸ್. ಪೈ ಇವರು ಎಲ್ಲಾ ಪಾಲಕರಿಗೂ ಹಿಂದಿನ ಸಹಕಾರವನ್ನು ಸ್ಮರಿಸುವುದರೊಂದಿಗೆ ಮುಂದಿನ ಆಡಳಿತ ಮಂಡಳಿಗೂ ಸಹಕಾರವನ್ನು ನೀಡುವಂತೆ ಕೋರುವುದರೊಂದಿಗೆ ಹೊಸ ಸಮಿತಿಗೆ ಶುಭ ಕೋರಿದರು
ನಂತರ ಹೊಸ ಕಮಿಟಿಯವರು ಪಾಲಕರ ಸಲಹೆ ಸೂಚನೆಗಳನ್ನು ಪಡೆದು ಶಾಲೆಯ ಸರ್ವತೋಮುಖ ಅಭಿವೃದ್ಧಿಗೆ ಪ್ರಯತ್ನಿಸೋಣ ಎಂದು ಹೇಳಿದರು ಹೊಸ ಆಡಳಿತ ಮಂಡಳಿಯ ಮುಖ್ಯ ಮಾರ್ಗದರ್ಶಕರು ಸಲಹೆಗಾರರು ಆದ ಶ್ರೀಯುತ ನಾರಾಯಣ ಶೆಣೈ ರವರು ಸಮಯೋಚಿತ ಮಾತುಗಳನ್ನಾಡಿದರು. ಗೌರವ ಅಧ್ಯಕ್ಷರಾದ ಶ್ರೀಯುತ ಸಂಜೀವ ರವರು ಮತ್ತು ಅಧ್ಯಕ್ಷರಾದ ಶ್ರೀಯುತ ಸುರೇಶ್ ಬೆಟ್ಟಿನ್ ರವರು ತಮ್ಮೆಲ್ಲರ ಸಹಕಾರದೊಂದಿಗೆ ಶಾಲೆಯ ಸಂಸ್ಕಾರ ಸಂಸ್ಕೃತಿ ಉಳಿಸುವುದರೊಂದಿಗೆ ಶಾಲೆಯ ಆಡಳಿತವನ್ನು ಮುನ್ನಡೆಸಿಕೊಂಡು ಸಮಗ್ರ ಅಭಿವೃದ್ಧಿ ಮಾಡೋಣ ಎಂದರು. ಮುಖ್ಯ ಶಿಕ್ಷಕ ಶ್ರೀ ಟಿ.ವಿಷ್ಣುಮೂರ್ತಿ ಭಟ್ ಸ್ವಾಗತಿಸಿ, ಶೃತಿ ನಿರೂಪಿಸಿ, ಸಂಧ್ಯಾ ಭಟ್ ಧನ್ಯವಾದ ಅರ್ಪಿಸಿದರು
