ಉಪ ಚುನಾವಣೆಯಲ್ಲಿ ಶೇ.67.92 ಮತದಾನ

ಉಡುಪಿ: ನಗರಸಭೆ ಮೂಡುಪೆರಂಪಳ್ಳಿ ವಾರ್ಡಿಗೆ ಬುಧವಾರ ನಡೆದ ಉಪ ಚುನಾವಣೆಯಲ್ಲಿ ಶೇ 67.92ರಷ್ಟು ಮತದಾನವಾಗಿದೆ. ಈ ವಾರ್ಡಿನಲ್ಲಿ ಒಟ್ಟು 3002 ಮತದಾರರಿದ್ದು, ಅವರಲ್ಲಿ 1454 ಪುರುಷರು ಮತ್ತು 1546 ಮಹಿಳಾ ಮತದಾರರಾಗಿದ್ದಾರೆ. ಅವರಲ್ಲಿ 981 ಪುರುಷರು ಮತ್ತು 1058 ಮಹಿಳಾ ಮತದಾರರು ಸೇರಿ ಒಟ್ಟು 2039 ಮಂದಿ ಮತದಾನ ಮಾಡಿದ್ದಾರೆ. ಈ ವಾರ್ಡಿನ ಸದಸ್ಯೆ ಕಾಂಗ್ರೆಸ್ ಪಕ್ಷದ ಸೆಲಿನಾ ಕರ್ಕಡ ಅವರು ಅನಾರೋಗ್ಯದಿಂದ ನಿಧನರಾದ ಹಿನ್ನಲೆಯಲ್ಲಿ  ಸ್ಥಾನ ತೆರವಾಗಿದ್ದು, ಈ ಉಪಚುನಾವಣೆ ನಡೆಸಲಾಗಿದೆ. ಸಾಮಾನ್ಯ ಮಹಿಳೆ ಮೀಸಲಾತಿಯ ಈ ವಾರ್ಡಿನಲ್ಲಿ ಕಾಂಗ್ರೆಸ್ ಪಕ್ಷದಿಂದ ಶ್ರುತಿ ಮತ್ತು ಬಿಜೆಪಿ ಪಕ್ಷದಿಂದ ಅನಿಟಾ ಬೆಲಿಂಡಾ ಡಿ’ಸೋಜಾ ಅವರು ಸ್ಪರ್ಧಿಸಿದ್ದಾರೆ ಈ ತಿಂಗಳ 30 ರಂದು ಮತ ಎಣಿಕೆ ನಡೆಯಲಿದೆ