ಮಾರುತಿ ಕಾರಿಗೆ ಲಾರಿ ಡಿಕ್ಕಿ
ಬ್ರಹ್ಮಾವರ : ಮಣಿಪಾಲ ಆಸ್ಪತ್ರೆಯಿಂದ ಬಸ್ರೂರಿಗೆ ಹೊರಟಿದ್ದ ಮಾರುತಿ ಕಾರಿಗೆ ಹಿಂದಿನಿಂದ ಲಾರಿ ಡಿಕ್ಕಿ ಹೊಡೆದು ಇಬ್ಬರು ಗಂಭೀರ ಗಾಯಗೊಂಡ ಘಟನೆ ಬ್ರಹ್ಮಾವರದ ಚಿತ್ರಪಾಡಿ ಗ್ರಾಮದ ರಾಷ್ಟ್ರೀಯ ಹೆದ್ದಾರಿಯಲ್ಲಿ ನಡೆದಿದೆ. ಹಿಂದಿನಿಂದ ಕಾರಿಗೆ ಡಿಕ್ಕಿ ಹೊಡೆದ ಪರಿಣಾಮ ಕಾರಿನ ಚಾಲಕ ಸಂತೋಷ್ ಹಾಗೂ ಶ್ರೀನಿವಾಸ್ ರವರಿಗೆ ಗಂಭೀರ ಗಾಯವಾಗಿದೆ
ವ್ಯಕ್ತಿ ನಾಪತ್ತೆ:
ಕೋಟ : ಕೋಟತಟ್ಟು ಗ್ರಾಮದ ನಿವಾಸಿ ವಿಘ್ನೇಶ್‌ (36ವರ್ಷ) ಎಂಬವರು ನಾಪತ್ತೆಯಾದ ಬಗ್ಗೆ ಕೋಟ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ ಡಿಸೆಂಬರ್‌ 25 ರಂದು ಸಂಜೆ ಮನೆಯಿಂದ ಪೇಟೆಗೆ ಹೋದವರು ವಾಪಾಸ್ಸು ಮನೆಗೆ ಬಂದಿಲ್ಲ. ಸಂಭಂಧಿಕರ ಮನೆಗೂ ಹೋಗಿಲ್ಲ ಮೊಬೈಲ್‌ ಚಾಲನೆಯಲ್ಲಿಯೂ ಇಟ್ಟಿಲ್ಲ ಎಂದು ಸಹೋದರ ಗಿರೀಶ್ ನೀಡಿದ ದೂರಿನಂತೆ ಕೋಟ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಮಾತ್ರೆ ಸೇವಿಸಿದ್ದ ಯುವಕ ಸಾವು
ಕುಂದಾಪುರ : ಸಮೀಪದ ಹಂಗಳೂರು ನಿವಾಸಿಯಾದ ಸಚಿನ್‌ (27 ವರ್ಷ) ಎಂಬವರು ಮೂರ್ಛೆರೋಗದಿಂದ ಬಳಲುತ್ತಿದ್ದು ಅಗತ್ಯಕಿಂತ ಹೆಚ್ಚು ಮಾತ್ರೆ ಸೇವನೆ ಮಾಡಿದ್ದರಿಂದ ಅಸ್ವಸ್ಥಗೊಂಡು ಮೃತಪಟ್ಟಿದ್ದಾರೆ ಅಸ್ವಸ್ಥಗೊಂಡ ಸಚಿನ್‌ ರವರನ್ನು ತಕ್ಷಣವೇ ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗದೇ ಅಸುನೀಗಿದ್ದಾರೆಂದು ಕುಂದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
ಕಾರು ಖರೀದಿಸಿ ಪಂಚನೆ:
ಕೊಲ್ಲೂರು : ದಿ.ಸುರೇಂದ್ರ ಅವರ ಹೆಸರಿನಲ್ಲಿದ್ದ ಅಡಿ ಕಾರನ್ನು ಹರೀಶ್ ಎಂಬವರು ಖರೀದಿಸಿ ಹಣ ನೀಡದೆ ವಂಚನೆ ಎಸಗಿದ್ದಾರೆ ಎಂದು ಶಕೀಲಾ ಕೊಲ್ಲೂರು ಠಾಣೆಗೆ ದೂರು ನೀಡಿದ್ದಾರೆ. 2018ನೇ ಇಸವಿಯಲ್ಲಿ ಆಡಿ ಕಾರನ್ನು 1.20 ಕೋಟಿ ರೂ. ಮೌಲ್ಯಕ್ಕೆ ಖರೀದಿಸಿದ್ದು, ಕಾರಿನ ಮೇಲೆ ಬ್ಯಾಂಕ್‌ ಮೇಲೆ ಸಾಲ ಇದ್ದು ಹರೀಶ್ ಸಾಲವನ್ನು ಬ್ಯಾಂಕಿಗೆ ತಾನೇ ಮರುಪಾವತಿ ಮಾಡುವುದಾಗಿ ನಂಬಿಸಿ ಕಾರನ್ನು ಪಡೆದುಕೊಂಡಿದ್ದರು. ಆ ಬಳಿಕ ಹಲವು ಬಾರಿ ಅವರನ್ನು ಸಂಪರ್ಕಿಸಿದರೂ ಸಾಲ ಮರುಪಾವತಿಸದೇ ವಂಚಿಸಿದ್ದಾರೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ
ವ್ಯಕ್ತಿ ನಾಪತ್ತೆ:
ಶಂಕರನಾರಾಯಣ : ಆಜ್ರಿ ಗ್ರಾಮದ ನಿವಾಸಿ ಉದಯ (41) ಕಾಣೆಯಾಗಿದ್ದಾರೆ. ಏ.29 ರಂದು ಬೆಳಗ್ಗೆ 9 ಗಂಟೆಗೆ ಹೊಳಂದೂರು ಪತ್ನಿ ಮನೆಯಿಂದ ಕೆಲಸಕ್ಕೆಂದು ಹೋದವರು ಈವರೆಗೆ ಮನೆಗೆ ಬಾರದೇ ಕಾಣೆಯಾಗಿದ್ದಾರೆ ಎಂದು ಸಹೋದರ ಗುಣಕರ ನೀಡಿದ ದೂರಿನಂತೆ ಶಂಕರನಾರಾಯಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
