ತೆಕ್ಕಟ್ಟೆ: ತೆಕ್ಕಟ್ಟೆ ವಿದ್ಯಾಗಿರಿಯ ಸೇವಾ ಸಂಗಮ ವಿದ್ಯಾ ಕೇಂದ್ರ ಮತ್ತು ಸೇವಾ ಸಂಗಮ ಮಾದರಿ ಶಿಶುಮಂದಿರ ಇದರ ವಾರ್ಷಿಕೋತ್ಸವವು ಸೇವಾ ಸಂಗಮ ವಿದ್ಯಾ ಕೇಂದ್ರ ಅಧ್ಯಕ್ಷರಾದ ಸುರೇಶ್ ಬೆಟ್ಟಿನ್ ರವರ ಅಧ್ಯಕ್ಷತೆಯಲ್ಲಿ ನೆರವೇರಿತು. ಶಿಶುಮಂದಿರ ಮಕ್ಕಳ ಆಟದ ಸ್ಯಾಂಡ್ ಪಿಟ್ ಅನ್ನು ಉದ್ಘಾಟನೆ ಮಾಡುವುದರ ಮೂಲಕ ಕಾರ್ಯಕ್ರಮವನ್ನು ಪ್ರಾರಂಭಿಸಲಾಯಿತು. ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಶ್ರೀಯುತ ರವಿರಾಜ್ ಉಪಾಧ್ಯ ಶ್ರೀಯುತ ಸಂತೋಷ್ ನಾಯಕ್ ಟಿ. ವಿಷ್ಣುಮೂರ್ತಿ ಸೇವಾ ಸಂಗಮ ವಿದ್ಯಾ ಕೇಂದ್ರ ಉಪಾಧ್ಯಕ್ಷರಾದ ಶ್ರೀಯುತ ಅನಂತ್ ನಾಯಕ್ ಕಮಲಾಕ್ಷ ಪೈ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಶಾಲಾ ಕಾರ್ಯದರ್ಶಿಯಾದ ಶ್ರೀಯುತ ಕಮಲಾಕ್ಷ ಪೈ ರವರು ಪ್ರಸ್ತಾವಿಕ ನುಡಿಗಳೊಂದಿಗೆ ಮುಂದಿನ ಶೈಕ್ಷಣಿಕ ಯೋಜನೆಯ ಬಗ್ಗೆ ತಿಳಿಸುತ್ತ ಅತಿಥಿಗಳನ್ನು ಸ್ವಾಗತಿಸಿದರು. ಶಾಲಾ ಮುಖ್ಯೋಪಾಧ್ಯಾಯರಾದ ಶ್ರೀ ವಿಷ್ಣುಮೂರ್ತಿ ಭಟ್ ರವರು ವಾಷಿ೯ಕ ವರದಿಯನ್ನು ವಾಚಿಸಿದರು ಹಾಗೂ ಸೇವಾ ಸಂಗಮ ಮಾದರಿ ಶಿಶುಮಂದಿರದ ವರದಿಯನ್ನು ವೀಣಾ ಮಾತಾಜಿ ಓದಿದರು
ಮಕ್ಕಳಲ್ಲಿ ಸಂಸ್ಕಾರ ಮತ್ತು ಸಂಸ್ಕೃತಿ ಬೆಳೆಸುವುದು ಬಹಳ ಮುಖ್ಯ ಈ ಕಾರ್ಯವು ಈ ಸಂಸ್ಥೆಯಲ್ಲಿ ಶಿಶುಮಂದಿರದಿಂದ ನಡೆಯುತ್ತಿದೆ ಹಾಗೂ ಈ ಸಂಸ್ಥೆಯ ಸರ್ವಾಂಗೀಣ ಉನ್ನತಿಗೆ ಪಾಲಕರು ಸಹಕರಿಸಬೇಕಾಗಿ ಸುರೇಶ್ ಬೆಟ್ಟಿನ್ ರವರು ವಿನಂತಿಸಿದರು. ಕಾಯ೯ಕ್ರಮದಲ್ಲಿ ಆಡಳಿತ ಮಂಡಳಿಯ ನಿಕಟಪೂರ್ವ ಸಂಚಾಲಕರಾದ ಶ್ರೀಯುತ ಟಿ. ರಮೇಶ್ ನಾಯಕ್ ಹಾಗೂ ಸವ೯ ಸದಸ್ಯರು ಉಪಸ್ಥಿತರಿದ್ದರು. ವಿಶೇಷವಾಗಿ ಭಾರತೀಯ ಪರಿಕ್ರಮ ಯಾತ್ರೆಯನ್ನು ಕಾಲ್ನಡಿಗೆಯಲ್ಲಿ ಯಶಸ್ವಿಯಾಗಿ ಮುಗಿಸಿದ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಪ್ರಚಾರಕರಾದ ಶ್ರೀಯುತ ಸೀತಾರಾಮ ಕೆದಿಲಾಯ ಇವರು ಕಾಯ೯ಕ್ರಮದಲ್ಲಿ ಉಪಸ್ಥಿತರಿದ್ದು ರಾಜ್ಯ ಮತ್ತು ರಾಷ್ಟ್ರಮಟ್ಟದಲ್ಲಿ ಸಾಧನೆ ಮಾಡಿದ 18 ಮಕ್ಕಳಿಗೆ ಸನ್ಮಾನ ಮಾಡಲಾಯಿತು.
ಸೇವಾ ಸಂಗಮ ವಿದ್ಯಾ ಕೇಂದ್ರ, ವಿದ್ಯಾಗಿರಿ ,ತೆಕ್ಕಟ್ಟೆ ಮತ್ತು ಸೇವಾ ಸಂಗಮ ಮಾದರಿ ಶಿಶುಮಂದಿರ,ತೆಕ್ಕಟ್ಟೆ ಮಕ್ಕಳಿಂದ ಅಮ್ರತ ಬಿಂದು, ಅಮ್ರತ ವಚನ, ಮಂಕುತಿಮ್ಮನ ಕಗ್ಗ, ಕಬೀರನ ದೋಹೆ, ನಾಟಕ, ನ್ರತ್ಯ, ಯಕ್ಷಗಾನ, ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಿತು ನಿರೂಪಣೆಯನ್ನು ನಾಗರತ್ನ.ಎಂ ಮಾಡಿ.ಶ್ರೀಮತಿ ಸಿಂಧೂ ಧನ್ಯವಾದವಿತ್ತರು
