ಕುಂದಾಪುರ : ದಿನಾಂಕ 22/01/2024 ರಂದು ಅಯೋಧ್ಯೆಯಲ್ಲಿ ಭವ್ಯವಾದ ಮಂದಿರದಲ್ಲಿ ಮರ್ಯಾದಾ ಪುರುಷೊತ್ತಮ ಶ್ರೀ ರಾಮಚಂದ್ರ ದೇವರ ಮೂರ್ತಿಯಲ್ಲಿ ಪ್ರಾಣ ಪ್ತತಿಷ್ಟೆ ನಡೆಯಲಿದ್ದು ಈ ಮಹೋತ್ಸವದ ಸಂದರ್ಭದಲ್ಲಿ ಆನೆಗುಡ್ಡೆ ಶ್ರೀ ವಿನಾಯಕ ದೇವಸ್ಥಾನದಲ್ಲಿ ಶ್ರೀ ದೇವಳದ ವತಿಯಿಂದ ವಿವಿಧ ಕಾರ್ಯಕ್ರಮವನ್ಮು ಶ್ರೀ ರಾಮ ಸೇವಾ ಭಕ್ತವೃಂದ , ಕುಂಭಾಶಿ ವಲಯ ಇವರ ಸಹಕಾರದೊಂದಿಗೆ ವಿಜ್ರಂಭಣೆಯಿಂದ ಈ ಕೆಳಗಿನ ಕಾರ್ಯಕ್ರಮದಂತೆ ಮಾಡುವುದೆಂದು ತೀರ್ಮಾನಿಸಲಾಗಿದೆ
ಬೆಳಿಗ್ಗೆ 9.30 ರಿಂದ ಶ್ರೀರಾಮನ ಪ್ರತಿಷ್ಟೆಯ ತನಕ ಕುಂಭಾಶಿಯ ಆನೆಗುಡ್ಡೆ ಮಹಿಳಾ ಭಜನಾ ಮಂಡಳಿ, ಶಿವಾನಿ ವಿಪ್ರ ಭಜನಾ ಮಂಡಳಿ, ಸೂರಾಲು ವಲಯ ಹಾಗೂ ಶ್ರೀ ರಾಮ ಭಜನಾ ಸಂಘ ವಿಠಲವಾಡಿ ಇವರಿಂದ ನಿರಂತರ ಶ್ರೀರಾಮ ನಾಮ ಸಂಕೀರ್ತನೆಯನ್ನು ಹಮ್ಮಿಕೊಂಡಿದೆ.
ನಂತರ ಶ್ರೀ ರಾಮಚಂದ್ರರ ಭಾವಚಿತ್ರವನ್ನು ದೀಪಾಲಂಕೃತಗೊಂಡ ದೇವಳದ ಎರಡನೇ ಪ್ರಾಕಾರದಲ್ಲಿ ಪುಷ್ಪಾಲಂಕೃತ ರಜತ ರಥದ ಮೂಲಕ ಮೆರವಣಿಗೆ ಮಾಡಿ ಮಹಾಮಂಗಳಾರತಿಯನ್ನು ಬೆಳಗಿಸಲಾಗುವುದು. ಅಯೋಧ್ಯೆಯಲ್ಲಿ ನಡೆಯುವ ಶ್ರೀರಾಮಚಂದ್ರರ ಪ್ರತಿಷ್ಠಾ ಮಹೋತ್ಸವವನ್ನು ಬೃಹತ್ ಎಲ್ಸಿಡಿ ಪರದೆಯ ಮೂಲಕ ಬಂದ ಭಕ್ತ ಜನರಿಗೆ ನೇರ ವೀಕ್ಷಣೆಯ ಅವಕಾಶವನ್ನು ಕಲ್ಪಿಸಲಾಗಿದೆ.
ಈ ಸಂದರ್ಭದಲ್ಲಿ ಭಕ್ತರೋರ್ವರಿಂದ ಸಿಹಿ ಪ್ರಸಾದದ ವಿತರಣೆಯಿದ್ದು ಭಕ್ತರೆಲ್ಲರೂ ಅಯೋಧ್ಯಯ ಶ್ರೀ ರಾಮಚಂದ್ರರ ಈ ಅಪೂರ್ವ ಮಹೋತ್ಸವದಲ್ಲಿ ಪಾಲ್ಗೊಂಡು ಕೃತಾರ್ಥರಾಗಬೇಕೆಂದು ಕೊರಲಾಗಿದೆ
