ಪುತ್ತಿಗೆ ಪರ್ಯಾಯಕ್ಕೆ ಚಾಲನೆ

ಉಡುಪಿ : ಉಡುಪಿ ಶ್ರೀಕೃಷ್ಣಮಠದಲ್ಲಿ  ಮುಂಜಾನೆ ಪೀಠಾರೋಹಣಗೈಯ್ಯುವ ಮೊದಲು ಪುತ್ತಿಗೆ ಮಠಾಧೀಶರಾದ ಶ್ರೀಸುಗುಣೇಂದ್ರ ತೀರ್ಥ ಶ್ರೀಪಾದರು ಮತ್ತು ಕಿರಿಯ ಪಟ್ಟ ಶ್ರೀ ಸುಶ್ರೀಂದ್ರ ತೀರ್ಥ ಶ್ರೀಪಾದರು ಕನಕನವದ್ವಾರದಲ್ಲಿ ಕೃಷ್ಣದರ್ಶನಗೈದರು  ನಂತರ ಆಚಾರ್ಯ ಮಧ್ಯರು ಸನ್ನಿಹಿತರಾಗಿರುವ ಸರ್ವಜ್ಞಪೀಠಕ್ಕೆ ತೆರಳಿ ಉದ್ದಂಡ ನಮಸ್ಕರಿಸಿ ಪರ್ಯಾಯದ ಯಶಸ್ಸಿಗೆ ಪ್ರಾರ್ಥನೆ ಸಲ್ಲಿಸಿದರು

ಬಳಿಕ ಇಂದು ನಡೆಯುವ ಸಾರ್ವಜನಿಕ ಅನ್ನಪ್ರಸಾದ ವಿತರಣೆಗೆ ತರಕಾರಿ ಹಚ್ಚುವ ಮುಹೂರ್ತ ನೆರವೇರಿಸಿದರು. ರಾತ್ರಿ ಊಟವನ್ನು ತಾವೇ ಭಕ್ತರಿಗೆ ಸಾಂಕೇತಿಕವಾಗಿ ಬಡಿಸಿದರು. ಇದರೊಂದಿಗೆ ಕೃಷ್ಣಮಠದಲ್ಲಿ ಪುತ್ತಿಗೆ ಪರ್ಯಾಯಕ್ಕೆ ಚಾಲನೆ ದೊರೆಯಿತು. ಅಲ್ಲಿಂದ ತಮ್ಮ ಮಠಕ್ಕೆ ತೆರಳುವ ಮೊದಲು ಅದಮಾರು ಮಠಕ್ಕೆ ಭೇಟಿ ನೀಡಿದ ಉಭಯ ಶ್ರೀಗಳು ಶ್ರೀ ವಿಶ್ವಪ್ರಿಯ ಶ್ರೀಗಳಿಗೆ ನಮಸ್ಕರಿಸಿ ಆಶೀರ್ವಾದ ಪಡೆದರು

ಈ ಸಂದರ್ಭದಲ್ಲಿ ಪರ್ಯಾಯ ಸ್ವಾಗತ ಸಮಿತಿಯ ಕಾರ್ಯಾಧ್ಯಕ್ಷ ಕಲ್ಕೂರ, ಪುತ್ತಿಗೆ ಮಠದ ಕಾರ್ಯದರ್ಶಿ ಪ್ರಸನ್ನ ಆಚಾರ್ಯ ಮುಂತಾದವರು ಉಪಸ್ಥಿತರಿದ್ದರು