ಮಿಮಿಕ್ರಿ ಮಾಡಿ ಅನಂತ ಕುಮಾರ್ ವಾಗ್ದಾಳಿ

ಶಿರಸಿ,ಸಿದ್ದಾಪುರ: ‘ಚುನಾವಣೆ ಸಂದರ್ಭದಲ್ಲಿ ಹೇಳ್ತಿವಪ್ಪಾ, ಹೇಳಿದ್ದೆಲ್ಲಾ ಮಾಡಕಾಯ್ತದಾ?. ದುಡ್ಡು ಎಲ್ಲಿಂದ ತರೋದು?.’ ಇದೇ ಭಾಷೆಲಿ ಹೇಳಿದ್ದು ನೆನಪಿದ್ಯಾ ಎಂದು ಕೆನರಾ ಸಂಸದ ಅನಂತ ಕುಮಾರ ಹೆಗಡೆಯವರು ಸಿಎಂ ಸಿದ್ದರಾಮಯ್ಯ ನವರ ಮಿಮಿಕ್ರಿ ಮಾಡಿ ಹರಿಹಾಯ್ದರು. ಉತ್ತರ ಕನ್ನಡ ಜಿಲ್ಲೆ ಸಿದ್ದಾಪುರ ತಾಲೂಕಿನ ಬಿಳಗಿಯಲ್ಲಿ ಮಾತನಾಡಿದ ಹೆಗಡೆ, ಸಿದ್ದು ಶೈಲಿಯಲ್ಲಿ ಮಿಮಿಕ್ರಿ ಮಾಡಿ, ಅವರ ಮಾತನ್ನು ಅಣಕಿಸಿದರು. ‘ರಾಜ್ಯ ಸರ್ಕಾರ ಸಂಪೂರ್ಣ ದಿವಾಳಿಯಾಗಿದೆ. ಮುರುಕುರಾಮಯ್ಯನ ಗ್ಯಾರಂಟಿಗಳು ಉಳಿಯಲ್ಲ. ಕೊನೆಗೆ ಉಳಿಯೋದು ಮೋದಿ ಗ್ಯಾರಂಟಿನೇ. ಪಾರ್ಲಿಮೆಂಟ್ ಚುನಾವಣೆ ಮುಗಿದ ಮೇಲೆ ಹೊಸ ಅಧ್ಯಾಯ ಶುರುವಾಗಲಿದೆ. ಕಾಂಗ್ರೆಸ್ ಮುರಿದ ಮನೆ ಆಗಲಿದೆ’ ಎಂದು ಸಂಸದ ಅನಂತ ಕುಮಾರ್‌ ಹೇಳಿದರು.